3 қарашада «ЖАҢАРУ» сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің «Жастарды құқықтық тәрбиелеу – сыбайлас жемқорлыққа қарсы дүниетанымның негізі» атты жобасы аясында Сәрсен Аманжолов атындағы Шығыс Қазақстан университетінде ата-аналармен маңызды кездесу өткізілді.
   Мақсаты – жастардың құқықтық сауаттылығын арттыру, құқық бұзушылықтардың алдын алу, сыбайлас жемқорлыққа қарсы мәдениетті қалыптастыру үшін отбасы мен жоғары оқу орны арасындағы өзара ынтымақтастықты нығайту.
   Іс-шара барысында төмендегідей өзекті мәселелер кеңінен талқыланды:
·                               Жастар арасында есірткі заттарын таратуға тарту және оның құқықтық салдары;
·                               Лудомания және құмар ойындарға тәуелділіктің алдын алу;
·                               Дропперлік, интернет-алаяқтық және банк карталарын заңсыз пайдаланудың қауіптері;
·                               Жасөспірімдердің құқықтық жауапкершілігі;
·                               Сыбайлас жемқорлыққа қарсы мәдениет пен академиялық адалдықты қалыптастыру;
·                               Ата-ананың бала тәрбиесіндегі жауапкершілігі және отбасындағы жеке үлгісі.
   Кездесудің спикері – Университеттің тәрбие және әлеуметтік жұмыс жөніндегі проректоры Калимолдина Жаннетта Аманкелдіқызы баяндама барысында жастардың құқықтық сауаттылығын арттыру, сыбайлас жемқорлыққа қарсы мәдениетті қалыптастыру және құқық бұзушылықтың алдын алу мәселелеріне ерекше назар аударды.
   Алынған ақпарат пен мағлұмат ойын форматында бекітілді. Ата-аналар белсенді қатысып, берілген жағдаяттарды талдап, сұрақтарға жауап берді. Ортақ командалық тапсырмаларды қызыға орындады. Кездесу ашық диалог пен өзара түсіністік жағдайында өтті.
   Міне, нағыз тәрбие осындай – жай қағаздағы ұраннан емес, бірге ойнап, бірге ойланғаннан басталады. Отбасы мен университет бір толқында сөйлесе ғана, біз сыбайлас жемқорлықсыз, әділетті ұрпақ тәрбиелей аламыз.