2026 жылдың 4 қарашасында Солтүстік Қазақстан облысы, Қызылжар ауданы, Прибрежное ауылындағы Озерная орта мектебінде жүрекке жылу ұялатқан, мазмұны терең кездесу өтті.
   Мектеп қабырғасында «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ Солтүстік Қазақстан облыстық филиалы «Жастардың құқықтық тәрбиесі – сыбайлас жемқорлыққа қарсы дүниетанымның негізі» жобасы аясында ұйымдастырған іс-шараға мұғалімдер мен оқушылардың ата-аналары қатысты.
   Кездесу барысында «Тәрбие отбасынан басталады: құқық бұзушылықтар мен сыбайлас жемқорлықтың алдын алу – ортақ міндет» тақырыбында дәріс оқылды. Дәрісті «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ-нің Солтүстік Қазақстан облысы бойынша филиал директорының орынбасары Зайцева Светлана Николаевна өткізді.
   Ол өз сөзінде: «Баланың бірінші ұстазы – отбасы. Бала біздің сөзімізге емес, ісімізге қарайды. Егер үйде біз «адал бол» деп айтып, өзіміз «айналып өту жолын» іздесек, бала дәл сол істі есте сақтайды. Адалдық айтылған сөзден емес, ата-ананың күнделікті үлгісінен туады», – деп атап өтті.
   Баяндама барысында балалар мен жасөспірімдердің құқықтық мәдениетін қалыптастыруда, заңға құрметпен қарауды, өз әрекеттері үшін жауапкершілікті тәрбиелеуде және сыбайлас жемқорлық көріністерін қабылдамауда отбасы мен мектептің рөліне ерекше назар аударылды. Құқық бұзушылықтар мен сыбайлас жемқорлықтың алдын алу – бұл тек мемлекеттік органдар мен білім беру мекемелерінің ғана емес, ата-аналардың, педагогтердің және қоғамның ортақ жауапкершілігі екендігі атап өтілді. Дәл осы отбасында адамгершілік, адалдық, әділдік және айналадағыларға құрмет негіздері қаланады.
   Кездесуге қатысушылар отбасы мен мектептің өзара іс-қимылының, кәмелетке толмағандар арасындағы құқық бұзушылықтардың уақтылы алдын алудың және жастарда белсенді азаматтық ұстанымды қалыптастырудың маңыздылығын талқылады. Мұндай іс-шаралар халықтың құқықтық сауаттылығын арттыруға, ата-аналар мен педагогтер арасындағы ынтымақтастықты нығайтуға, сондай-ақ жас ұрпақты заңдылық, адалдық және жауапкершілік рухында тәрбиелеуге ықпал етеді. Өйткені қоғамның болашағы балаларды тәрбиелеуден басталады, ал құқықтық және сыбайлас жемқорлыққа қарсы сананы қалыптастыру – біздің ортақ міндетіміз!