Ағымдағы жылдың 9-қазанында Л.Н.ГУМИЛЁВ атындағы Еуразия Ұлттық университетінде білім алушы студент жастармен «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ-нің Астана қалалық филиалы кездесу ұйымдастырып, «Жастарды құқықтық тәрбиелеу – сыбайлас жемқорлыққа қарсы дүниетанымның негізі» әлеуметтік жобасы аясында дәріс оқылды.
   Іс-шараның басты мақсаты – жастардың құқықтық сауаттылығын арттыру, заңға деген құрметін қалыптастыру және сыбайлас жемқорлыққа қарсы сананы нығайту.
   Кездесу барысында, ҚР Бас Прокуратурасының ардагері, Аға Әділет кеңесшісі Дәулеткерей Рахметоллаұлы Рахметуллин «ЖАҢАРУ» РҚБ-і тарапынан атқарылып жатқан іс-шараларға тоқталып, негізгі тақырып бойынша баяндама жасады. Заңды сақтау әр азаматтың қоғам алдындағы жауапкершілігі және сыбайлас жемқорлыққа қарсы мәдениетті жастар күнделікті өмірде адалдықтан, әділдіктен бастауы керек екеніне тоқталды.
   Спикер сөз соңында, «Болашақ қоғамның қандай болатыны бүгінгі таңда қалыптасатын құндылықтарға байланысты. Адалдықты, әділдікті және жауапкершілікті өмірлік ұстанымға айналдыру – әрқайсымыздың қолымызда. Сіздерді заңды құрметтеуге, өз құқықтарыңыз бен міндеттеріңізді білуге және сыбайлас жемқорлықтың кез келген көрінісіне бейжай қарамауға шақырамын» - деді.
   Қатысушылар өздерін толғандырған сауалдарын қойып, қоғамдағы сыбайлас жемқорлықтың алдын алу, «Адал азамат» қағидаты, заңгердің кәсіби этикасы жөнінде тәжірибелі заңгер маманның тұшымды жауаптары мен кәсіби кеңестерін тыңдады.
   Осындай кездесу болашақта тағы да жиі ұйымдастыру қажеттілігі туралы ұсыныстар жасалды.