10 қыркүйекте Қарағанды индустриялық университетінде «Заң мен тәртіп: жастар ‒ қауіпсіз болашақ үшін» атты ақпараттық-профилактикалық іс-шара өтті. «ЖАҢАРУ» сыбайлас жемқорлыққа қарсы жалпыұлттық қозғалыс» РҚБ-нің «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында ұйымдастырылған кездесу сұхбаттасу түрінде өтті. Оған бірінші курс студенттерінен 300-ге жуық жас, Теміртау прокуратурасы мен полициясының өкілдері, сондай-ақ университет қызметкерлері қатысты.
   Негізгі спикері Теміртау қаласы прокуратурасының прокуроры Мұхамеджан Елеусін болды. Ол студенттерге олардың құқықтары мен міндеттері, заңнаманы сақтау, әкімшілік және қылмыстық жауапкершілік туралы айтып берді. Жастар арасындағы құқық бұзушылықтардың алдын алуға ерекше назар аударылды. Спикер заңды білу адамға өз әрекеттерінің салдарын бағалауға ғана емес, өзінің құқықтары мен заңды мүдделерін қорғауға да мүмкіндік беретінін атап өтті.
   Іс-шараның жеке бөлімі цифрлық ортадағы қауіпсіздікке арналды. Шығыс полиция бөлімі Криминалдық полиция бөлімінің аға жедел уәкілі, полиция капитаны Қазатаев Әділет Бейбітұлы интернет-алаяқтықтың кең таралған түрлері, жеке деректерді ұрлау, аккаунттарды бұзу және фишингтік шабуылдар туралы айтып берді. Студенттер жеке ақпаратты қорғау бойынша практикалық ұсынымдар алып, киберқылмысқа тап болған жағдайда қалай әрекет ету керектігін білді.
   Бірінші курс студенттеріне «Не книжные закладки» атты профилактикалық фильм де көрсетілді. Оның сюжеті көрермендерге «оңай ақша табу» туралы ұсыныстардың артында есірткі таратуға және басқа да заңсыз әрекеттерге тарту қаупі жасырынуы мүмкін екенін еске салды. Іс-шараға қатысушыларға ойланбай жасалған шешімнің ауыр жауапкершілікке әкеліп, адамның кейінгі өміріне әсер етуі мүмкін екендігі түсіндірілді.
   Бағдарламаның интерактивті бөлігін Теміртау қаласы Полиция басқармасының есірткі қылмыстарына қарсы іс-қимыл бөлімінің аға уәкілетті қызметкері Галина Ломайкина өткізді. «Еркіндердің аумағы: есірткісіз және лудоманиясыз» атты квиз-ойын барысында студенттер өз білімдерін тексеріп, есірткіге және ойынға тәуелділіктің денсаулыққа, білім алуға, жақындарымен қарым-қатынасқа және адамның болашағына тигізетін салдарын талқылады.
   Адалдық пен жеке жауапкершілік туралы ҚарИУ сыбайлас жемқорлыққа қарсы комплаенс-қызметінің басшысы Самал Ибрагимова айтып берді. Өз сөзінде ол «ЖАҢАРУ» РҚБ-ның студенттердің парасаттылығын қалыптастырудағы рөліне тоқталып, адалдықтың күнделікті әрекеттерден көрінетінін атап өтті: оқуға жауапкершілікпен қарау, міндеттерді орындау, айналадағы адамдарды құрметтеу және белгіленген ережелерді сақтау.
   «Заң және тәртіп» күні бірінші курс студенттеріне заңнама, цифрлық қауіпсіздік және тәуелділіктердің алдын алу туралы пайдалы білім алуға мүмкіндік берді. Кездесу жеке таңдау, сақтық және жауапкершілік жас адамның өзін және болашағын қорғауына қалай көмектесетіні туралы ашық әңгімеге айналды.