04.09.2026

БІЛІМ КҮНІНЕ АРНАЛҒАН ПРОФЕССОРЛЫҚ-ОҚЫТУШЫЛЫҚ ҚҰРАМ МЕН СТУДЕНТТЕР АРАСЫНДАҒЫ ВОЛЕЙБОЛДАН СПОРТТЫҚ ЖАРЫС ӨТТІ

   Ағымдағы жылы 1 қыркүйекте «ЖАҢАРУ» сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің Батыс Қазақстан облысы филиалының ұйымдастыруымен «Жастарды құқықтық тәрбиелеу – сыбайлас жемқорлыққа қарсы негізі» жобасы аясында Білім күніне арналған Қазақ инновациялық және телекоммуникациялық жүйелер университетінде профессорлық-оқытушылық құрам мен студенттер арасында волейболдан спорттық іс-шара жарыстары өткізілді.
    Мақсаты: салауатты өмір салты мен дене шынықтыру белсенділігін насихаттау; студенттер мен қызметкерлердің денсаулығын нығайту және дене бітімін дамыту; командалық рух пен өзара көмек сезімін қалыптастыру; студенттер мен оқытушылар арасындағы өзара іс-қимылды нығайту; университетте қолайлы және достық атмосфераны құру, спорттық дәстүрлерін қолдау.
Іс-шараның салтанатты ашылуында басты спикер ретінде Батыс Қазақстан облыстық «ЖАҢАРУ» РҚБ-ің филиал басшысы, «Қазақстанның 100 жаңа есімі» жобасының жеңімпазы, педагог, ғалым, профессор, қоғам қайраткері, «ҚР білім беру ісінің құрметті қызметкері», ҚР Ұлттық инженерлік академиясының вице-президенті және академигі, Қазақ инновациялық және телекоммуникациялық жүйелер университетінің президенті Ақсерік Сарыұлы Әйтімов сөз сөйледі.
   Сонымен қатар заң ғылымдарының докторы, Саратов мемлекеттік университетінің профессоры Байниязов Рустам Сүлейменұлы, «Батыс Қазақстан облысының Кәсіподақтар орталығы» аумақтық кәсіподақтар бірлестігі төрағасының орынбасары Атауов Бауыржан Аяпбергенұлы, Мемлекеттік қызмет істері агенттігінің Батыс Қазақстан облысы бойынша департаменті басшысының орынбасары Ибрашев Бауыржан Сағидоллаұлы сында белгілі азаматтар жастар арасында сыбайлас жемқорлыққа қарсы мінез-құлықты қалыптастыру және құқықтық мәдениетті арттыру мәселелері бойынша өз ойларымен бөлісті.
   Білім күніне орай профессорлық-оқытушылар құрамы мен студенттер арасында өткізілген іс-шара студент жастарға Қазақстан Республикасының жаңа Конституциясының ережелері аясында жастарды сыбайлас жемқорлыққа қарсы тәрбиелеу, заңнаманы сақтау бойынша жеке жауапкершілік, адалдық, парасаттылық және белгіленген мінез-құлық нормаларын сақтау мәселелері түсіндіріліп, заңды құрметтеу және азаматтық жауапкершілікті қалыптастыру, оқуға және еңбекке адал қараудан, өз іс-әрекеті үшін жауапкершіліктен және белсенді азаматтық ұстанымнан басталатыны атап өтілді.
   Спорттық іс-шара мерекелік және достық атмосферада өтті. Жарысқа ҚазИТУ-дың профессорлық-оқытушылар құрамы мен студенттер командалары қатысты.
Жарыс басталмас бұрын қатысушылар ойын ережелерімен таныстырылды. Ойындар командалық кездесу форматында өтті, онда әрбір қатысушы спорттық шеберлігін, төзімділігін, жеңіске деген ерік-жігерін және командамен жұмыс істей білу қабілетін көрсетті. Қатысушылар мен көрермендерде тартысты ойын сәттері мен командаларды белсенді қолдау ерекше қызығушылық тудырды. Жарыс тек спорттық сайыс қана емес, сонымен қатар оқытушылар мен студенттердің бейресми қарым-қатынас алаңына айналды. Сайыс барысында жоба аясында дайындалған буклет, флаэр насихат парақшалары таратылды.
    Жүргізілген түсіндіру жұмыстары іс-шараның тәрбиелік бағытының маңызды бөлігіне айналды және студенттердің құқықтық сауаттылығын арттыруға, жастар бойында адалдық, әділдік, жауапкершілік және Қазақстан Республикасының заңдарын құрметтеу қағидаттарын дамытуға ықпал етті.

«ЖАҢАРУ» РҚБ Баспасөз қызметі