Халел Досмұхамедов атындағы Атырау университеті студенттері үшін «Адалдық және жастар» тақырыбында танымдық лекция ұйымдастырылды.
   Іс-шара «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ Атырау облыстық филиалының ұйымдастыруымен "Жастарды құқықтық тәрбиелеу – сыбайлас жемқорлыққа қарсы дүниетанымның негізі" атты жобасы аясында өткізілді.
   Негізгі мақсаты – жастар арасында адалдық, әділдік, жауапкершілік және сыбайлас жемқорлыққа қарсы мәдениетті қалыптастыру. Лекция барысында қоғамдағы адалдық қағидаттарының маңызы, жастардың ел болашағын қалыптастырудағы рөлі және азаматтық жауапкершіліктің мәні кеңінен талқыланды.
   Қатысушылар адал еңбек пен шынайылықтың жеке тұлғаның дамуына, қоғамның өркендеуіне қосатын үлесі туралы ой бөлісіп, өз пікірлерін ортаға салды. Сонымен қатар, білім алу барысында академиялық адалдықты сақтау, заң талаптарын құрметтеу және жоғары адамгершілік құндылықтарды ұстанудың маңыздылығы атап өтілді.