Құқықтық сауаттылық – әр азаматтың өмірлік құралы.

   Бүгін «Esil university» мекемесінде «ЖАҢАРУ» сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің Астана қалалық филиалының ұйымдастыруымен, аталған университеттің «Құқық» кафедрасымен бірлесе отырып «Жастарды құқықтық тәрбиелеу - сыбайлас жемқорлыққа қарсы дүниетанымның негізі» әлеуметтік жобасы аясында сыбайлас жемқорлыққа қарсы пікірталас семинары өткізілді.
   Өткізілген семинардың мақсаты мен негізгі міндеті халық арасында сыбайлас жемқорлыққа қарсы мәдениетті қалыптастыруға жастардың, сараптамалық қоғамдастықтың қатысуын кеңейту болды. Азаматтық сектордағы жастар өкілдерін сыбайлас жемқорлыққа қарсы қозғалысқа тарту арқылы мемлекеттік қызметтер көрсету саласындағы сыбайлас жемқорлық көріністеріне "нөлдік төзімділікті" қалыптастыру.
   Семинарға ҮЕҰ мен ҰКП өкілдері, «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ жобалық кеңсесінің белсенділері, ЖОО оқытушылары мен студенттері қатысты.
   Семинардың басталуында "ЖАҢАРУ " Сыбайлас жемқорлыққа қарсы жалпыұлттық қозғалыс" республикалық қоғамдық бірлестігінің төрағасы Семғалиев Мэлс Зайноллаұлы алғы сөзбен шараны бастап берсе, ары қарай сөз алған «Esil university» ректоры, э.ғ.д., профессор Таубаев Аяпберген Алданайұлы өзінің сыбайлас жемқорлыққа деген көзқарасын ортаға салды.
   Семинарға арнайы шақырылған қонақтар өз баяндамаларын жасап ойларын ортаға салды:
- Қазақстан Республикасы Мемлекеттік қызмет істері агенттігінің Астана қаласы бойынша Мемлекеттік қызмет істері департаментінің басшысы Желдонгаров Ерболат Кабаевич;
- «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ Астана қалалық филиалының директоры Рахметуллин Дәулеткерей Рахметоллаұлы;
- Астана қаласы Қоғамдық кеңесінің төрағасы Есілов Сансызбай Сейтжанұлы;
- «Сараптама және жаңа технологиялар ғылыми-өндірістік институты» ЖШС директоры Сандарчук Михаил Юрьевич;
- «Esil university» профессоры з.ғ.д. Жүсіпов Алпысбай Дүйсенбайұлы;
- Л.Н.Гумилев атындағы ЕҰУ-нің профессоры, з.ғ.д. Ибрагимов Жамаледен Ибрагимұлы.
   Семинар соңында қатысушылар мен баяндамашылар сұрақтарға жауап беріп, өз ұсыныстарын айтты.
   Жалпы алғанда семинар өте жоғары деңгейде өткізілді, студенттер мен семинарға қатысушылар көптеген тың ақпараттарға қанық болып, баяндамашылардың ой-пікірлеріне орай сұрақтар алмасты. Мұндай семинарлар жастар арасында көбірек өткізілсе сыбайлас жемқорлық көріністеріне деген олардың «нөлдік төзімділігі» қалыптастасып, қоғамдағы сыбайлас жемқорлыққа қарсы мәдениет деңгейінің артатыны сөзсіз.
   «ЖАҢАРУ» сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің жұмысына сәттілік тілей отырып, ары қарай да осындай іс-шараларды жиі өткізіп жастардың құқықтық сауаттылығын арттыруға өз үлестеріңізді қоса беріңіздер, қатарларыңыз, қолдаушыларыңыз көбейе берсін дегім келеді.
     
    Құрметпен:
   «Esil university» мекемесі «Құқық» кафедрасының меңгерушісі з.ғ.к., доцент

  

 «ЖАҢАРУ» РҚБ БАСПAСӨЗ ҚЫЗМЕТІ