І. Жансүгіров атындағы Жетісу университетінде Ғылым декадасы – 2026 аясында құқықтық пәндер кафедрасы мен Жетісу облыстық «ЖАҢАРУ» сыбайлас жемқорлыққа қарсы жалпыұлттық қозғалыс бірлестігі филиалының ұйымдастыруымен «Криминалистика пәнін ғылыми тұрғыда оқыту» семинары өтті.
    Семинарға І. Жансүгіров атындағы Жетісу университетінің құқықтану мамандығының студенттері мен құқық және экономика факультетінің деканы Телеуев Г.Б, құқықтық пәндер кафедрасының меңгерушісі Бекежанов Д.Н., Криминалистикалық зертхана меңгерушісі Аратұлы Қ. және Жетісу облысы ПД жедел-криминалистикалық басқармасының бас криминалисі полиция подполковнигі М.Скаков, жедел-криминалистикалық басқармасының криминалисі полиция капитаны Е.Беков университетімізге арнайы келіп, криминалистика және криминалистикалық зерттеулер бағыты бойынша студенттерді даярлауда қолданылатын заманауи құрал-жабдықтармен таныстырды.
    Осы бағытта Жетісу университетінің құқықтану мамандығының студенттері теория мен практиканы ұштастырып, білікті криминалист мамандарды даярлауды жүйелі түрде нығайтып келеді. Семинар іс-шарасы «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында ұйымдастырылды.
    Семинар барысында студенттер криминалистикалық зерттеулерде қолданылатын заманауи құрал-жабдықтармен қызығушылықпен танысып, мамандарға өз сұрақтарын қойып, ашық пікір алмасты. Осындай іс-шаралар жастардың құқықтық санасын арттырып, жемқорлыққа қарсы ұстанымдарын нығайтады, болашақ таңдаған мамандығына деген сенім қалыптастыруға ықпал етеді.