Ілияс Жансүгіров атындағы Жетісу университетінде Ғылым декадасы – 2026 аясында құқықтық пәндер кафедрасы мен Жетісу облыстық «ЖАҢАРУ» сыбайлас жемқорлыққа қарсы жалпыұлттық қозғалыс бірлестігі филиалының ұйымдастыруымен «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында «СЫБАЙЛАС ЖЕМҚОРЛЫҚҚА - ЖОЛ ЖОҚ» акциясы өтті.
     Акцияның мақсаты: Жастардың құқықтық санасы мен сыбайлас жемқорлыққа қарсы мәдениетін қалыптастыру, адалдық, әділдік, парасаттылық қағидаттарын насихаттау, қоғамда сыбайлас жемқорлыққа мүлдем төзбеушілік көзқарасын қалыптастыру, сондай-ақ студенттерді заңдылықты құрметтеуге және азаматтық жауапкершілікті арттыруға бағыттау. Осындай іс-шаралар жастардың құқықтық санасын арттырып, жемқорлыққа қарсы ұстанымдарын нығайтады, болашақ таңдаған мамандығына деген сенім қалыптастыруға ықпал етеді.