«ЖАҢАРУ» сыбайлас жемқорлыққа қарсы жалпыұлттық қозғалыс» РҚБ - ің «Жастарды құқықтық тәрбиелеу сыбайлас жемқорлыққа қарсы дүниетанымның негізі» атты жобасы аясында Қарағанды индустриялық университетінде студент жастарымен келелі кездесу өтті.
     Іс-шараға қатысқан мемлекеттік органдардың өкілдері — Теміртау қалалық прокуратура қызметкерлері Елеусін Мұхамеджан Кеңесбайұлы және Батырбек Әлібек Есімбекұлы қатысып өз ой пікір кеңестерімен бөлісті .
     Кездесу барысында жастар арасында құқықтық мәдениетті қалыптастыру, сыбайлас жемқорлықтың алдын алу, заң талаптарын сақтау және адалдық қағидаттарын нығайту мәселелері талқыланды.
     Әділетті Қазақстанды құрамыз десек, біз заңмен тәртіпке бағынуымыз керек. Сондықтан еліміздің болашағы - жастардың құқықтық мәдениеті, құқықтық сауаттылығы және жастардың қауіпсіздігі мен қоғамдағы тәртібі күрделі мәселе десек қателеспейміз. Мемлекет басшысы Қасым-Жомарт Тоқаев екінші Ұлттық Құрылтайда сөйлеген сөзінде: «Жастардың құқықтық сауатын арттыру аса маңызды. Сонда әркім өзінің құқығын қорғай біледі және өзгенің құқығын таптамайды», деп айтқан еді. Түпкі мақсат – отаншыл, білімді, жасампаз ұрпақ тәрбиелеу. Шара барысында насихат парақшалары таратылып, қысқа форматта видео - рилс көрілімі ұсынылды.
     Іс-шара студенттердің құқықтық сауаттылығын арттыруға және белсенді азаматтық ұстаным қалыптастыруға бағытталды.