КӨКШЕТАУДА ВОЛЕЙБОЛДАН ҚАЙЫРЫМДЫЛЫҚ ТУРНИРІ ӨТТІ

23 қазан күні Қазақстан Республикасы күнін мерекелеу аясында «Жастарды құқықтық тәрбиелеу – сыбайлас жемқорлыққа қарсы дүниетанымның негізі» атты жобасы аясында Көкшетау қаласындағы «Триатлон мектебі» спорт кешенінде жастар арасында волейболдан қайырымдылық турнирі ұйымдастырылды.

Доданың басты мақсаты – мемлекеттік мерекені атап өту, жастар арасында салауатты өмір салтын, жемқорлыққа қарсы дүниетаным насихаттау, этносаралық татулық пен бірлікті нығайту және қайырымдылық мәдениетін дамыту.

Турнирді ұйымдастыруға «ЖАҢАРУ» сыбайлас жемқорлыққа қарсы жалпыұлттық қозғалыс» РҚБ Ақмола облысы бойынша филиалының директоры Плюснин ұйытқы болды. Ол тек ұйымдастырушы ғана емес, ойынға төрешілік те етті. Әділ төрешілік – әділ ойынның, ал әділ ойын – әділ қоғамның айнасы. Сонымен қатар жарыс барысында жастарға сыбайлас жемқорлыққа қарсы ақпараттық-түсіндіру жұмыстарын жүргізіліп парақшалар таратылды..

Ақмола облысының этномәдени бірлестіктерінің жастарынан құралған 12 команда қатысты. Яғни, алаңға әртүрлі ұлт пен этнос өкілдері – бір шаңырақ астында жиналды.

Турнир қорытындысы бойынша 1 орынды Атбасар командасы, 2 орынды «Қазақ тілі мен мәдениеті» командасы, 3 орынды «Ақмола облысының орыс орталығы» командасы иеленді. Үздік командалар кубоктар, медальдар және алғыс хаттармен марапатталды.

Бірлік бар жерде – күш бар. Адалдық бар жерде – болашақ бар!

 «ЖАҢАРУ» РҚБ Баспасөз қызметі