2026 жылы 29-қазан күні Атырау қаласында жастар арасында волейболдан ашық турнир ұйымдастырылды. Аталған шара «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ-ның Атырау облыстық филиалының «Жастарды құқықтық тәрбиелеу – сыбайлас жемқорлыққа қарсы дүниетанымның негізі» атты әлеуметтік жобасы аясында өтті.
   Турнир Х.Досмұхамедов атындағы Атырау университетінің «Жайық» мәдени-спорт кешенінде ұйымдастырылды. Жарыстың негізгі мақсаты – жастар арасында салауатты өмір салтын насихаттау, бұқаралық спортты дамыту, ұжымдық рухты нығайту және құқықтық мәдениетті қалыптастыру.
    «Сыбайлас жемқорлыққа қарсымыз!» ұранымен өткен жарыста университет факультеттерінің студенттік командалары өзара бақ сынасты. Қатысушылар жоғары дайындықтарын көрсетіп, адал әрі әділ ойын үлгісін танытты.
    Жарыс қорытындысы бойынша үздік шыққан командалар арнайы дипломдармен марапатталды.
    Спорт – денсаулық кепілі ғана емес, әділдік пен тазалықтың алаңы!