27.10.2026
Қозыбаев университеті және «ЖАҢАРУ» қозғалысы: адал және ашық іріктеу үшін
Ағымдағы жылы 23 қазан күні Манаш Қозыбаев атындағы Солтүстік Қазақстан университетінде Сыбайлас жемқорлыққа қарсы жалпыұлттық «ЖАҢАРУ» республикалық қоғамдық бірлестігінің Солтүстік Қазақстан облысы бойынша филиалымен бірлесіп, «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында әскери кафедраға кандидаттарды қабылдау конкурстық іріктеуінің ашықтығы мен объективтілігін қамтамасыз етуге, сондай-ақ сыбайлас жемқорлық тәуекелдерін алдын алуға және азайтуға бағытталған іс-шара өткізілді.Спорттық шараның негізгі спикері М. Қозыбаев атындағы СҚУ Сыбайлас жемқорлыққа қарсы комплаенс қызметінің басшысы Инна Михайловна Джемалединова болды. Ол конкурстық рәсімдердің ашықтығын қамтамасыз ету механизмдері мен сыбайлас жемқорлық тәуекелдерін азайту шаралары туралы айтып берді.
Кандидаттарды іріктеу медициналық куәландыруды, кәсіби-психологиялық тестілеуді және дене дайындығын тексеруді қамтиды. Қорытынды рейтинг GPA, тестілеу нәтижелері және дене шынықтыру нормативтерін орындау ескеріле отырып қалыптастырылады. Объективтілікті қамтамасыз ету үшін нәтижелер арнайы ведомостерге тіркеледі, ал нормативтерді тапсыру бейнежазбамен сүйемелденеді.
Іс-шараға сондай-ақ тәуелсіз бақылаушы – СҚО филиалы бойынша «ЖАҢАРУ» РҚБ аппаратының басшысы Анар Түйғынқызы Бөкеева қатысып, іріктеу барысына қоғамдық бақылау жасады. Ашық рәсімдер мен қоғамдық бақылау конкурстық іріктеуге деген сенімді арттыруға және барлық кандидаттар үшін тең жағдай жасауға ықпал етеді.
Спорт пен құқықтық тәрбиені ұштастырған шара барысында, қатысушыларға сыбайлас жемқорлыққа қарсы ақпараттық жадынамалар таратылды.
Университет пен «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ СҚО филиалының ынтымақтастығы адалдық, ашықтық және сыбайлас жемқорлыққа мүлдем төзбеушілік қағидаттарын нығайтуға бағытталған.
«ЖАҢАРУ» РҚБ Баспасөз қызметі
