«ЗАҢ МЕН ТӘРТІП – ТҰРАҚТЫЛЫҚ НЕГІЗІ» тақырыбында мемлекеттік орган өкілдерімен кездесу өтті.

   2026 жылдың 27 тамызында Түркістан облысы, Сауран ауданының әкімшілігінде «ЗАҢ МЕН ТӘРТІП – ТҰРАҚТЫЛЫҚ НЕГІЗІ» тақырыбында жиын өтті.

   Шараға «ЖАҢАРУ» сыбайлас жемқорлыққа қарсы жалпыұлттық қозғалыс» РҚБ Түркістан облысы бойынша төрағасы Рыспеков Ғани Құрмашұлы, аудандық ішкі саясат бөлімінің басшысы Калекеев Марат, Түркістан облысы Қоғамдық даму басқармасы «Қоғамдық келісім» КММ Сауран аудандық филиалының басшысы Арсылан Раматуллаев, аудандық прокуратура және полиция өкілдері, білім саласының қызметкерлері, қоғамдық ұйымдар, медиаторлар, жастар мен бұқаралық ақпарат құралдарының өкілдері қатысты.

   Кездесу барысында заң үстемдігін қамтамасыз ету, қоғамдық тәртіпті сақтау, құқық бұзушылықтың алдын алу, азаматтардың құқықтары мен қауіпсіздігін қорғау, этносаралық келісім мен қоғамдық тұрақтылықты нығайту мәселелері талқыланды. Жиында «ЖАҢАРУ» сыбайлас жемқорлыққа қарсы жалпыұлттық қозғалысының Түркістан облысы бойынша директоры Ғани Рысбеков «Жастарды құқықтық тәрбиелеу - сыбайлас жемқорлыққа қарсы дүниетанымның негізі» тақырыбындағы жоба аясында өңірдегі жүргізіліп жатқан жұмыстар жөнінде яғни құқық бұзушылықтың, сыбайлас жемқорлықтың алдын алуға, жастардың бойында тұрақты адамгершілік қағидаттарын қалыптастыруға, мемлекеттік институттарға деген сенімді нығайтуға және салауатты әлеуметтік ортаны дамытуға бағытталған азаматтық белсенділікті арттыру бағытындағы жұмыстарға тоқталды.

    Кездесуде «Қарнақ-Шекербұлақ» бауырлас ауылдары бойынша өткізілген іс-шаралар жоспарының орындалуы туралы Жүйнек ауылдық округіндегі «Қазыбек би» атындағы мектеп директоры Жубан Досманов баяндама жасады.

   Сонымен қатар, Сауран ауданында заңдылықты қамтамасыз ету, қоғамдық тәртіпті сақтау және құқық бұзушылықтың алдын алу бойынша атқарылып жатқан жұмыстар туралы аудандық полиция бөлімі бастығының орынбасары Данияр Түймебаев хабарлап өтті.

   Жиын барысында қатысушылар өз пікірлері мен ұсыныстарын ортаға салып, аудан аумағында заң мен тәртіпті нығайтуға, құқық бұзушылықтың алдын алуға және қоғамдық келісімді одан әрі күшейтуге бағытталған мәселелерді талқыланып, насихат парақшалары таратылды.

   Кездесу іс шарасының соңы Ескендір Хасанғалиевтің «Атамекен» әнімен қорытындыланды.

   Заң мен тәртіп — бейбіт өміріміздің, балаларымыздың қауіпсіз болашағының және ел бірлігінің берік діңгегі.

«ЖАҢАРУ» РҚБ Баспасөз қызметі