Ағымдағы жылдың 26 мамырында Тараздағы «Болашақ» жоғары медициналық колледжінің студент жастарымен кездесіп «ЖАҢАРУ” Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің    «Жастарды құқықтық тәрбиелеу - сыбайлас жемқорлыққа қарсы дүниетанымның негізі» атты әлеуметтік жобасы талқыланып жастардан қолдау тапты.
   Бұл іс-шара сонымен қатар облыстық Жастар ресурстық орталығымен бірге қабылданған Меморандумға байланысты іске асып отыр.
   Сондықтан жиынға облыстық және қалалық жастар ресурстық орталықтарының қызметкерлері Ақәділ Ринат пен Нұрзат Амангелді екеуі қолдап қатысты, тақырыпқа байланысты жастармен пікір алмасты.
   «ЖАҢАРУ» сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің Жамбыл облыстық филиалының төрағасы Қасымхан Естемесұлы Төлендиев спикер ретінде баяндама жасап, жастарды адал болуға, заңдарды құрметтеуге, жаңа Конституциямыздың маңызды ерекшеліктерін, сондай-ақ «ЖАҢАРУ” жалпыұлттық қозғалыс» РҚБ бірлестігінің іске асырып жатқан жобаларын түсіндірді.
   «Болашақ» жоғары медицина колледжінің студент жастары сыбайлас жемқорлыққа қарсы екендерін жеткізді.
   Мұндай іс-шаралар жастардың құқықтық мәдениетін қалыптастыруға және қоғамдағы өзекті мәселелердің алдын алуға бағытталған маңызды шара болып табылады.