26 ақпан Атырау қаласында Х.Досмұхамедов атындағы Атырау университетінде «ЖАҢАРУ» сыбайлас жемқорлыққа қарсы жалпыұлттық қозғалысы» РҚБ Атырау облыстық филиалының ұйымдастыруымен «Жастарды құқықтық тәрбиелеу сыбайлас жемқорлыққа қарсы дүниетанымның негізі» атты жобасы аясында «Зорлық-зомбылықсыз қоғам: заң талаптары» тақырыбындағы мазмұнды семинар өтті.
     Іс-шараның негізгі мақсаты – жастар арасында құқықтық сауаттылықты арттыру, тұрмыстық және қоғамдық зорлық-зомбылықтың алдын алу.
     Спикерлер: «ЖАҢАРУ» сыбайлас жемқорлыққа қарсы жалпыұлттық қозғалысы» РҚБ Атырау облыстық филиалы директорының орынбасары, Х.Досмұхамедов атындағы Атырау университетінің Әлеуметтік мәселелер және жастар саясаты жөніндегі проректоры, п.ғ.к. Қойшығұлова Л.Е; Қылмыстық - құқықтық пәндер кафедрасының меңгерушісі Дайрабева Н.Қ.; Атырау қаласы Полиция басқармасы Қоғамдық қауіпсіздік бөлімі Отбасы-тұрмыстық зорлық-зомбылыққа қарсы күрес жөніндегі бөлімше бастығы, полиция капитаны Орақбаева А.Т., Атырау облыстық адвокаттар алқасының мүшесі, Республикалық адвокаттар алқасы жанындағы «Республикалық адвокаттардың кәсіби құқығын қорғау комиссиясының мүшесі, ҚР Президенті жанындағы әйелдер істері және отбасылық-демографиялық саясат жөніндегі Ұлттық комиссиясы«Samruk-Kazyna Trust» қорының қолдауымен ашылған «One Stop service» - Бір қадам» орталығының Батыс өңірі бойынша «Әйелдер мен балаларға қатысты зорлық-зомбылық» істер бойынша адвокаты Қалиева Р. Е., «Жаңа өмір» қолдау орталығының басшысы Рамазанов Т. М., Атырау облысы Әділет департаментінің құқықтық түсіндіру жұмысы және заңгерлік қызмет көрсету бөлімінің бас маманы Бақтығали Н. Б. болды.
     Семинар соңында жастар арасында «Жастарды құқықтық тәрбиелеу сыбайлас жемқорлыққа қарсы дүниетанымның негізі» атты жобасы аясында сауалнама жүргізілді, насихат парақша - флаерлер таратылды.
     Аталған семинар жастардың құқықтық мәдениетін қалыптастыруға, зорлық-зомбылықсыз қоғам құру идеясын насихаттауға бағытталған маңызды шаралардың бірі болды.