24 ақпан 2026 жылы Манап Өтебаев атындағы ЖЖТК колледжінің ұжымында, сонымен қатар колледж студенттерінің қатысуымен "ЖАҢАРУ" сыбайлас жемқорлыққа қарсы жалпыұлттық қозғалысының Шымкент қаласы және Түркістан облысы филиалдарының директоры Досалиев Қанатбек Балтабекұлы бастамасымен «Жаңа Конституция – сенімен дамудың жаңа бағыты» атты кеңейтілген кездесу іс-шарасы өтті.
    Іс-шараға Шымкент қалалық мәслихатының төрағасы, Конституциялық реформа комиссиясының мүшесі Бахадыр Мәдәліұлы қатысып, Конституцияға енгізілген өзгерістердің маңызы мен жүзеге асу барысын түсіндірді.
    Жиында заңгерлер мен сарапшылар Конституцияның жаңартылған басымдықтарына қысқаша талдау жасап, азаматтардың құқықтарын қорғау, әділеттілікті нығайту және жергілікті өзін-өзі басқаруды дамыту мәселелеріне тоқталды. Іс-шара «Жастарды құқықтық тәрбиелеу - сыбайлас жемқорлыққа қарсы дүниетанымның негізі» жоба аясында ұйымдастырылды.
    Колледж ұжымы мен студенттерге арнайы өткізілген отырыс нәтижелі болды, себебі жаңа Конституцияда білім, ғылым және инновация мемлекеттік саясаттың өзегі ретінде анықталды. Елдің табысы табиғи ресурстарға емес, азаматтардың білімі мен кәсіби жетістіктеріне тікелей байланысты екені айқын көрсетілген.