Комплаенс-қызметінің сұрақтары туралы Дөңгелек үстел өтті

2024 жылғы 10 желтоқсан күні Астана қаласында Қазақстан Республикасы Президенті жанындағы Мемлекеттік басқару академиясында сыбайлас жемқорлыққа қарсы комплаенс-қызметтің сұрақтары туралы Дөңгелек үстел өтті.

Кездесуге келесі тұлғалар қатысты:

- Қазақстан Республикасы Президенті жанындағы Мемлекеттік басқару академиясының басшылығы мен өкілдері;

- орталық мемлекеттік органдардың өкілдері;

- Қазақстан Республикасы Сыбайлас жемқорлыққа қарсы іс-қимыл агенттігі Қоғамдық кеңесінің мүшелері;

- Астана қаласындағы мекемелер мен ұжымдардың комплаенс қызметкерлері;

- республика аймақтарындағы мекемелер мен ұжымдардың комплаенс қызметкерлері (онлайн);

- қоғамдық ұйымдардың өкілдері;

- масс-медиа өкілдері.

Жиналысқа «ЖАҢАРУ» РҚБ басшылары қатысып, сөз сөйледі:

- Мэлс Зайноллаұлы СЕМҒАЛИЕВ, «ЖАҢАРУ» РҚБ Төрағасы, Қазақстан Республикасы Сыбайлас жемқорлыққа қарсы іс-қимыл агенттігінің Қоғамдық кеңесінің мүшесі;

- Бейбіт Баймағамбетұлы МАМРАЕВ, «ЖАҢАРУ» РҚБ Төрағасының орынбасары, Қазақстан Республикасы Сыбайлас жемқорлыққа қарсы іс-қимыл агенттігінің Қоғамдық кеңесінің мүшесі, филология ғылымдарының докторы, профессор, академик.