Қызылорда қаласында дәріс ұйымдастырылды

2024 жылғы 23 қыркүйек күні «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Қызылорда қалалық филиалы Қызылорда қаласындағы Қызылорда облысы жастар ресурстық орталығында лекция ұйымдастырды.

Дәріске Қызылорда қаласындағы Абылай хан атындағы жоғары колледжінің жас оқытушылары мен қызметкерлері және студенттері қатысты.

Лекцияны келесі тұлғалар оқыды:

- Серік Құттыбайұлы, «ЖАҢАРУ» РҚБ Қызылорда қалалық филиалы Директоры;

-  Әліби Басаров, Қызылорда облысы жастар ресурстық орталығының Директоры.

Досманбетов Серік Құттыбайұлы, өз кезегінде жастардың құқықтық сауаттылығының сыбайлас жемқорлыққа қарсы іс-қимыл кезінде керектігін нақты мысалдармен көрсетті, сауатты, білімді, тәрбиелі жастардың коррупциясыз қоғам құра алатындығын атап өтті.

Әліби Басаров, халықтың, әсіресе жастардың мемлекеттік органдарға, оның ішінде құқық қорғау органдарына деген сенім деңгейін арттыруға арналған іс-шаралардың өткізілу барысына тоқталды.

Бұл іс-шара «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобаның аясында өтті.

Аталмыш Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциялық емес акционерлік қоғамның қолдауымен жүзеге асыруда.

Дәріс соңында коледждің жас оқытушылары мен қызметкерлері және студенттері сыбайлас жемқорлыққа байланысты өз ойларымен бөлісіп, лекторларға көкей кесті сұрақтарын қойып, жауаптар алды.