І.Жансүгіров атындағы Жетісу университетінің құқық және экономика факультетінің құқықтықтық пәндер кафедрасы, «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында Жетісу облысы нотариаттық палатасының Төрағасы А.С.Бекішбаевпен кездесу ұйымдастырды.
   Университеттің құқықтану білім беру бағдарламасының студенттерімен жүздесу барысында «Нотариустың мұрагерлікке қатысты нотариаттық іс-әрекеттері тақырыбында» дәріс оқылды. Жоспар бойынша өсиеттерді куәландыру, өзгерту және күшін жою тәртібі, ашылған мұра туралы мұрагерлерге және бас тартылған мұраны алушыларға хабарлау, мұраға құқық туралы куәлік беру тәртібі қарастырылды.
   Болашақ мамандық иелеріне өз саласының маманымен кездесу оң әсер етті. Білім алушылар пайдалы ақпаратты өз дәптерлеріне түртіп алып отырды әрі өз сұрақтарын қойып, ойларымен бөлісті. Екі жақты, яғни кәсіби маман мен болашақ маман арасындағы сындарлы сұхбат болды.