10.09.2025 Шараға 145 студент жастар, барлығы 150 адам қатысты. 
Іс-шараны аталған университеттің әлеуметтік-мәдени даму жөніндегі  проректоры, Рһ доктор Аслан Еділханұлы Тұрлыбек кіріспе сөз сөйлеп ашты.  Университеттің сыбайлас жемқорлыққа қарсы шығарған бейнеролигі көрсетілді.
           «ЖАҢАРУ» сыбайлас жемқорлыққа қарсы жалпыұлттық қозғалыс» РҚБ филиалының директоры Төлендиев Қ.Е. «Жастарды құқықтық тәрбиелеу сыбайлас жемқорлыққа қарсы дүниетанымның негізі» тақырыбы  аясында баяндама жасап дәріс оқыды, «ЖАҢАРУ» қозғалысының жұмысы туралы ақпарат берді.  Сол сияқты жастардың құқы мен қауіпсіздігі, заң мен тәртіп қағидаты, мемлекеттің жастарға жасап жатқан қамқорлығы жәйлі әңгіме қозғады. 
Сонымен қатар, Тараз қалалық мәслихаттың депутаты, облыстық қоғамдық кеңестің мүшесі, «Жекпе – Жек» кәсіпқой клубының басшысы Елдос Далабай, «Желтоқсан Ұшқыны» облыстық қоғамдық бірлестігінің төрағасы Талғат Кеншинбеков, облыстық жастар ресурстық орталығының директоры Айбек Қадіралиев және университеттің әлеуметтік жұмыс басқармасының басшысы Арнат Ұлтанбаев жастар алдында өз ойларымен бөлісті.  Сонымен қатар, шараға университеттің “Филология және гуманитарлық ғылымдар” факультетінің деканы, РҺ доктор Гүлнур Болатбекқызы Исабекова қатысты. 
Қазіргі таңда қоғам дамуының басты талаптарының бірі – құқықтық мәдениеті жоғары, әділдік пен адалдықты ту еткен жастарды тәрбиелеу. Жастардың құқықтық сауаттылығын арттыру – олардың тек заңды білуін ғана емес, сонымен қатар жемқорлыққа қарсы берік көзқарасын қалыптастыруды көздейді.
Сыбайлас жемқорлық – қоғамның дамуын тежейтін, әділдік пен теңдік қағидаларын бұзатын үлкен әлеуметтік дерт. Сондықтан жастар арасында бұл құбылысқа төзбеушілік көзқарасын қалыптастыру – бүгінгі күннің маңызды міндеттерінің бірі. Ол үшін білім беру мекемелерінде “Адалдық сағаттары”, тренингтер, пікірталастар, бейнероликтер мен әлеуметтік акциялар ұйымдастырылып, жастардың ой-санасына жемқорлықтың зияны жан-жақты жеткізілуі тиіс.
Жастарды құқықтық тәрбиелеу олардың заңға құрметпен қарауын қамтамасыз етеді. Сонымен қатар адал еңбек етуге, әділ шешім қабылдауға, азаматтық жауапкершілікті сезінуге үйретеді. Бұл құндылықтар арқылы болашақта жемқорлықсыз, әділ қоғам қалыптасуына жол ашылады.
Қорытындылай келе, жастарды құқықтық тұрғыда тәрбиелеу – сыбайлас жемқорлыққа қарсы дүниетаным қалыптастырудың негізгі кепілі. Әрбір жас заңды құрметтеп, адалдықты өмірлік ұстанымға айналдырғанда ғана еліміздің болашағы жарқын болмақ.
Жастарға, сыбайлас жемқорлыққа қарсы күресті күшейтетін, қоғамда адалдық пен адамгершілік, мейірімділік пен отансүйгіштік, мәдениеттілік пен отбасы құндылықтарын жандандыру бойынша  ұсыныстар айтылды.
Шара соңында университеттің әлеуметтік-мәдени даму жөніндегі  проректоры Аслан Тұрлыбек семинардың жұмысын қорытындылап, республикалық «ЖАҢАРУ» бірлестігі мен филиал басшыларына ризашылығын білдіріп, семинарға қатысқан барлық спикерлерге ректораттың Алғыс хаттарын тапсырды.


«ЖАҢАРУ» РҚБ баспасөз қызметі