Құрметті Борис Әлікенұлы !

   «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Сізді асқаралы, мерейлі 70 жасыңызбен құттықтайды!

   Сіз тәуелсіз еліміздің саяси-экономикалық, әлеуметтік-рухани даму жолында мемлекеттік қызметкер және техника ғылымдарының докторы, профессор, Еуропа ғылым және өнер академиясының толық мүшесі ретінде қосқан үлесіңіз орасан зор.

   Еңбек жолыңызда көптеген жоғары лауазымдарда абыройлы қызметтер атқарып, еселі еңбегіңіздің нәтижесінде түрлі марапаттарға ие болған Қазақстан Республикасы Президенті Архивінің директоры және жоғары білім беру саласында атқарған ісіңіз айтарлықтай. Жүздеген ғылыми еңбектер мен жарияланымдардың авторысыз.

   Сонымен қатар, «Екінші дүниежүзілік соғыстың қазақстандық әскери тұтқындары: әдебиеттер, дереккөздер және мәліметтер базасы» атты іздеу-зерттеу жобасына белсене араласып, веб-сайт жасауға жетекші болдыңыз.

   Алматы қалалық Қоғамдық кеңес мүшесі ретінде өмірдегі көкейкесті мәселелердің шешілуіне ықпал жасап азаматтық ұстанымызды үнемі білдірудесіз. «Мойынқұм ауданының құрметті азаматы» ретінде туған өлкеңіздің аймақтық проблемалары да Сіздің назарыңызда.

   Құрметті Борис Әлікенұлы! Сізге еңбекте толағай табыстарға, мақсатта биік шыңдарға жете беруіңізді тілейміз.

  Сіздің абыройлы тұлғалық қасиеттеріңіз жастарға үлгі боларына сенімдіміз!

  Әрдайым отбасыңыз аман, жүзіңіз жарқын, мерейіңіз үстем болсын!

Ізгі ниетпен,

«ЖАҢАРУ» РҚБ Төрағасы                                М.Семғалиев

Астана қаласы, 2025 жылғы 30 шілде