09.07.2025   Алматыда «Адалдық — күнделікті іскерлік тәжірибедегі норма» атты өңірлік конференция өтті. Біріккен Ұлттар Ұйымының нашақорлық пен қылмысқа қарсы басқармасы (БҰҰ НҚБ) мен Еуропалық қайта құру және даму банкі (ЕҚДБ) бірлесіп ұйымдастырған шара аясында іскерлік этика мәдениетін дамытуға және аймақта ашық, тұрақты бизнес ортасын қалыптастыруға бағытталған Орталық Азиядағы бизнес адалдығының желісі (CABIN) ресми түрде іске қосылды. 
  Конференция үш сессиядан тұрды. Бірінші сессияда CABIN миссиясы, жұмыс жоспары және ұйымдарында этикалық стандарттарды насихаттайтын «Адалдық чемпиондары» таныстырылса, екінші сессия аясында адалдық пен іскерлік этика саласындағы негізгі қиындықтар талқыланды. Атап айтқанда, қатысушылар практикалық құралдардың жетіспеушілігін, ашықтық мәселелерін және құқықтық қолданудағы қиындықтарды алға тартты.
   Іс-шара аясында үшінші сессияның орны бөлек болды. Мұнда топтық пікірталастар бизнеске арналған практикалық ұсыныстарды әзірленген болатын. Қатысушылар бизнес секторы мен мемлекеттік органдар, азаматтық қоғам  өкілдерінен тұратын екі жұмыс тобына бөлініп, өз тәжірибелеріндегі олқылықтарды, бизнес секторы мен мемлекеттік органдар, азаматтық қоғам өкілдерінен тұратын екі жұмыс тобына бөлініп, шағын және орта бизнеске адалдықты қолдау мен комплаенс талаптарын орындауда пайдалы болатын ақпараттық материалдардыы дайындауға арналған басым бағыттарды талқылады.
   Қазақстандық «Жаңару» республикалық қоғамдық бірлестігінің төрағасы Мэлс Семғалиев жастар арасында жемқорлыққа қарсы дүниетанымды қалыптастырудың жүйелі жұмысының маңыздылығын атап өтті. Қоғамдық бірлестік қазіргі уақытта «Жастарды құқықтық тәрбиелеу — жемқорлыққа қарсы дүниетанымның негізі» жобасын жүзеге асыруда. Ол болашақ көшбасшылардың адалдық пен жауапкершілік құндылықтарын қалыптастыруға бағытталған. 
   «Бұл жоба — іскерлік және қоғамдағы этикалық нормаларды нығайту стратегиясының маңызды бөлігі. Азаматтық сектор тек бақылаушы ғана емес, ол адалдықты насихаттауда, этикалық компанияларды қорғауда және жаңа буынды адалдық пен ашықтық негізінде бизнес жүргізуге тәрбиелеуде белсенді серіктес. Тек бірлескен күш-жігердің арқасында ғана біз ойын ережелерін декларациялармен емес, нақты тәжірибелермен өзгерте аламыз», — деді Семғалиев.
   Орталық Азия елдерінің өкілдері қатысқан конференцияның соңында қоғамдық ұйымдарға арналған бірқатар ұсыныс жасалды. Олар бизнес адалдығы туралы ақпараттың ашықтығы мен қолжетімділігін арттыруға, мемлекеттік және сыбайлас жемқорлыққа қарсы органдармен ынтымақтастықты дамытуға және этикалық тәжірибелерді бақылау мен қолдауда азаматтық қоғамның рөлін күшейтуге  мүмкіндік бермек.
   Ұйымдастырушылар CABIN Орталық Азиядағы бизнес, мемлекет және азаматтық қоғам арасындағы диалогты орнатуға, адалдықты нығайтуға және инвестицияларды тартуға  мүмкіндік беретін тиімді өңірлік платформаға айналатындығына сенімді.

«ЖАҢАРУ» РҚБ баспасөз қызметі