«Хабар 24» телеарнасында «Күн тәртібі» бағдарламасының тікелей эфирі өтті. Студия қонақтарының ішінде Қазақстан Республикасы Кәсіподақтар федерациясы төрағасының орынбасары, заңгер, сондай-ақ «ЖАҢАРУ» республикалық қоғамдық бірлестігі Астана қалалық филиалы директорының орынбасары, жоба лекторы Жамаледен Ибрагимов болды.

Эфир барысында құқықтық мәдениет, заң мен тәртіп қағидаттары, жастарды құқықтық сауаттандыру және сыбайлас жемқорлыққа қарсы көзқарас қалыптастыру мәселелері талқыланды. Жамаладен Ибрагимов жастарды құқықтық тұрғыдан тәрбиелеудің маңыздылығына тоқталды:

«Әр жас өзінің құқығын біліп, оны қорғауды үйренуі керек. Бұл — әділетті қоғам құру жолындағы басты қадам», — деді ол.

Сондай-ақ, спикер қоғамдық бірлестік іске асырып жатқан «Жастарды құқықтық тәрбиелеу — сыбайлас жемқорлыққа қарсы дүниетанымның негізі» жобасының мақсаттары туралы айтып, ашықтық, адалдық және азаматтық жауапкершілік қағидаттарының жастар санасында қалыптасуы қажеттігін атап өтті.