06.05.2025     Ұлы Жеңістің 80 жылдығына орай «ЖАҢАРУ» сыбайлас жемқорлыққа қарсы жалпыұлттық қозғалысы Астана қалалық филиалының өкілдері Сарайшық ауданында тұратын тыл еңбеккерлерін мерекемен құттықтады.
    Филиал директорының орынбасары Дарын Қаппарұлы ардагерлердің шаңырағына арнайы барып, олардың Жеңіс үшін қосқан ерен еңбегіне алғыс айтып, шын жүректен құттықтауын жеткізді. Сондай-ақ, Мемлекет басшысының Жарлығына сәйкес, тыл еңбеккерлеріне «Жеңіске – 80 жыл» мерекелік медалі табысталды.
    Іс-шараның басты мақсаты — ардагерлерге құрмет көрсету, олардың ерлік пен еңбекке толы өмір жолын жас ұрпаққа үлгі ету.
    Шара барысында тыл ардагерлеріне жылы лебіздер айтылып, ел үшін атқарған қажырлы қызметіне алғыс білдірілді.
 

“ЖАҢАРУ” баспасөз қызметі