2025 жылғы 9 сәуір күні Мәдениет және ақпарат министрлігі жанындағы Қоғамдық кеңестердің үйлестіру орталығының кезекті отырысы өтті. Аталған іс-шараға «ЖАҢАРУ» РҚБ-ің төрағасы Мэлс Зайноллаұлы Семғалиев қатысты.

    Отырысты Мәдениет және ақпарат вице-министрі Айзада Амангелдіқызы Құрманова құттықтау сөзімен ашты. Іс-шараның модераторлары: үйлестіру орталығының тең төрағалары Ошақбаев Рахим Сәкенұлы, Гаипов Зулфухар Сұлтанұлы жүргізіп отырды.

    Қатысушылар тобында үйлестіру орталығының мүшелері, республикалық және жергілікті деңгейдегі қоғамдық кеңестердің төрағалары, "Қазақстанның Азаматтық альянсы" заңды тұлғалар бірлестігі (ЗТБ), уәкілетті органның өкілдері қатысып отырды. Қоғамдық кеңестердің үйлестіру орталығының назарына Өңірлерді дамыту мәселесі бойынша IV құрылтайда айтылған Мемлекет Басшысы Қ.К.Тоқаевтың тапсырмаларын іске асыруға қоғамдық кеңестердің қатысуы туралы «Адал адам – адал еңбек – адал табыс» атты және де «Таза Қазақстан» республикалық акциясын іске асыру барысында экологиялық бақылау жүргізудегі қоғамдық кеңестердің рөлі туралы атап өтіліп, Қоғамдық кеңестің (KPI)қызметін бағалау әдістемесінің жобасын талқылау ұсыныстары қаралды.

    Аталған шараға «ЖАҢАРУ» РҚБ-ің төрағасы Мэлс Зайноллаұлы Семғалиев сөз алып бірлестік тарапынан алдағы уақытта «Жастарды құқықтық тәрбиелеу - сыбайлас жемқорлыққа қарсы дүниетанымның негізі» атты атқарылатын жоба туралы оның жастар тәрбиесіндегі маңыздылығына тиек етіп өскелең ұрпақты құқықтық ағарту және құқық бұзушылықтардың алдын алу, өскелең ұрпақ арасында заңға бағынатын және сыбайлас жемқорлыққа қарсы құндылықтарды ілгерілету арқылы сыбайлас жемқорлыққа қарсы мәдениетті қалыптастыру, жастардың сыбайлас жемқорлыққа қарсы санасын қалыптастыруға бағытталған Жастар бастамаларын дамыту, білім беру ұйымдарында, ювеналды полицияда арнайы есепте тұрған ұйымдастырылмаған жастармен және жасөспірімдермен атаулы жұмысты ұйымдастыру мақсатында жастармен жұмыс жөніндегі мамандарды даярлау және олардың біліктілігін арттыру сынды іс - шараларды жүргізу барысында мемлекеттік органдар тарапынан қолдау көрсететініне сенімін білдірді.

«ЖАҢАРУ» Баспасөз қызметі