Павлодар облыстық «ЖАҢАРУ» Сыбайлас жемқорлыққа қарсы жалпыұлттық қозғалысы» РҚБ-гі филиалының ұйымдастыруымен Павлодар облысы полиция департаменті қолдауымен Қазтұтынуодағы Павлодар жоғары экономикалық колледжінің заң факультетінің студенттері үшін Павлодар облысы полиция департаментінің мұражайы мен тергеу басқармасына экскурсия ұйымдастырды.

Бұл іс-шараның мақсаты «Жастардың құқықтық сауаттылығын және құқық қорғау органдарына сенім деңгейін арттыру» жобасының аясында Қазақстан Республикасы Мәдениет және ақпарат министрлігінің «Азаматтық бастамаларды қолдау орталығының» қолдауымен, жас ұрпақты әскери бөлімдер мен полиция учаскелеріндегі нақты жағдаймен таныстыру яғни жастардың құқық қорғау органдарына сенімін нығайту және олардың полиция жұмысын түсінуін кеңейту болып табылады.

Павлодар полициясының құрылу тарихы мен ішкі істер органдары қызметкерлерінің ерлігі туралы баяндайтын бірегей экспонаттар, құжаттар мен фотосуреттер жастарды тәнті етті.

Кездесуде спикерлер сөз сөйледі, олардың арасында «ЖАҢАРУ» Сыбайлас жемқорлыққа қарсы жалпыұлттық қозғалысы» РҚБ-гі Павлодар облыстық филиалы директорының м.а. Саят Елгонденов, ПД мұражайының инспекторы Әдия Байтақова, Солтүстік ПБ бастығының орынбасары Рустам Кизатов, Орталық ПБ бастығының орынбасары Амир Садвақасов, «Ауыл» партиясы Павлодар облыстық филиалы Жастар қанатының төрағасы Әлия Құрметова және ПД Тергеу басқармасының аса маңызды істер жөніндегі аға тергеушісі Гүлнұр Смағұлова болды.

Студенттер ішкі істер органдарындағы қызмет, құқық қорғау органдары арасындағы өзара іс-қимыл және ІІМ-дегі реформалар туралы қызықты сұрақтар қойып өз пікірлерімен алмасты.Іс-шар барысында буклет флаерлар таратылды.

«ЖАҢАРУ» баспасөз қызметі