Студент жастармен кездесіп дәріс оқылды.

   «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Жамбыл облыстық филиалының ұйымдастыруымен ҚР Мәдениет және ақпараттандыру министрлігінің «Азаматтық бастамаларды қолдау орталығы» қолдауымен «Жастардың құқықтық сауаттылығын және құқық қорғау органдарына сенімін арттыру бойынша іс-шаралар кешенін өткізу» атты әлеуметтік жобасы аясында 2024 жылы 18 сәуір күні студент жастарға кезекті дәріс  іс-шарасы ұйымдастырылды.

   Іс - шара Тараз қаласындағы М.Х.Дулати атындағы өңірлік университетінің «Ұстаз» педагогикалық институтының студенттерімен өтті.

   Студент жастардың сыбайлас жемқорлыққа қарсы мәдениетін, көзқарасын қалыптастыру және студенттік ортада академиялық адалдық қағидатын енгізу, құқықтық сауаттылық, құқық қорғау органдарына сенімділікті арттыру, «Саналы ұрпақ» клубының жұмысын жандандыру мақсатында, адалдық, парасаттылық және әділдік қасиеттерін нығайтуға бағытталған М.Х.Дулати атындағы өңірлік университетінің «Ұстаз» педагогикалық институтының студенттерімен «ЖАҢАРУ» сыбайлас жемқорлыққа қарсы жалпыұлттық қозғалыс» РҚБ филиалының директоры, «АнтиКорр» жанындағы Спикерлер пулының жетекшісі Қасымхан Естемесұлы Төлендиев пен ҚР Сыбайлас жемқорлыққа қарсы іс – қимыл агенттігінің облыс бойынша департаментінің бас маманы Таңшолпан Нұрхановамен кездесу өткізіліп , дәріс оқылып, жастар арасында құқықтық сауаттылық, құқық органдарына сенім денгейін арттыру, сыбайлас жемқорлыққа қарсы мемлекеттік саясатының бағыт бағдар түсіндірілді. Әсіресе, жастар жасанды идеялар мен «жалған батырлардың» жетегіне ілесіп кетпеуі туралы, кез келген заңсыздыққа қарсы тұруы айтылды. Президентіміздің халыққа жолдауында атап өткендей, заңға деген құрмет адал азаматқа тән қасиеттің бірі ретінде дәріптелуі қажет. Ең бастысы, заң мен тәртіптің үстемдігін қамтамасыз ету – Әділетті Қазақстанды құрудың басты шарты. Дәріс барысында жастар  қызығушылықпен тыңдап, бірқатар жастардың сұрақтарына жауап-түсініктемелер берілді.