«Мәселеге жаңа көзқарас: Құқықтық сауттылық және студенттер сыбайлас жемқорлыққа қарсы күресте қалай көмектесе алады» атты дөңгелек стөл.

    16 сәуір 2024жылы «ЖАҢАРУ «Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің Алматы қалалық филиалы және Әл-Фараби атындағы Қазақ ұлттық университетінің заң факультетімен «Жастардың құқықтық сауаттылығын және құқық қорғау органдарына сенімін арттыру бойынша іс-шаралар кешенін өткізу» атты әлеуметтік жобасы аясында     бірлесе ұйымдастырған «Мәселеге жаңа көзқарас: Құқықтық сауттылық және студенттер сыбайлас жемқорлыққа қарсы күресте қалай көмектесе алады» тақырыбында дөңгелек үстел өтті.

    Іс-шараға Мемлекет және құқық теориясы мен тарихы, конституциялық және әкімшілік құқық кафедрасының меңгерушісі, «ЖАҢАРУ «Сыбайлас жемқорлыққа қарсы жалпыұлттық қозғалыс» РҚБ-і Алматы қалалық филиалының Совет мүшесі Өсеинова Қарлығаш Рахымжанқызы және де Ахметова Сауле, Кобландина Аружан, Мухамеджан Акмарал, Бейсетбай Мерей сынды Мемлекет және құқық теориясы мен тарихы, конституциялық және әкімшілік құқық кафедрасының докторант, магистранттары қатысып күрделі мәселені шешу бойынша өз көзқарастары мен ұсыныстарын ой пікірлерімен бөлісті.

    Дөңгелек үстелге қатысушылар тек теориялық аспектілерді ғана емес, сонымен қатар сыбайлас жемқорлыққа қарсы іс-қимылдың практикалық тәсілдерін де талқылай алды, сондай-ақ жаңа идеялар мен стратегиялар әзірленді. "Парасаттылық туралы құндылықтар" атты фильмін көрсетіліп дөңгелек стөлдің соңы қорытыланды.

«ЖАҢАРУ» РҚБ

Баспасөз қызметі