«ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің Құрметті төрағасы Оралбай Әбдікәрімов Ауыл шаруашылығы ардагерлері ұйымының жиналысына қатысты

2024 жылғы 25 қаңтар күні Астана қаласында Қазақстан Республикасы Кәсіподақтар Федерациясы ғимаратында өткен «Ауыл шаруашылығы ардагерлер ұйымы» Қоғамдық бірлестігінің жиналысына «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің Құрметті төрағасы Оралбай Әбдікәрімов қатысып, сөз сөйледі.

Жиналысқа қатысқандарға О. Әбдікәрімов «Жастардың құқықтық сауаттылығын және құқық қорғау органдарына  сенім деңгейін арттыру іс-шаралар кешенін өткізу» атаулы Әлеуметтік Жоба туралы айтып берді.

 Аталмыш Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциялық емес акционерлік қоғамның қолдауымен жүзеге асыруда.

 О. Әбдікәрімов Үкіметтік емес ұйымдардың мемлекетті басқаруға және дамытуға оң ықпал ете алатын, олардың сыбайлас жемқорлықсыз қоғам құруға бағытталған ағарту және тәрбие жұмыстарын ел ішінде, әсіресе жастар арасында құқықтық сауаттылықты арттыру іс-шараларын жүргізе алатын мүмкіндіктерінің зор екенін атап өтті.

 Сөз соңында О. Әбдікәрімов Ауыл шаруашылығы ардагерлер ұйымының мүшелеріне сыбайлас жемқорлыққа қарсы күресті бірге жүргізуді, әлеуметтік жобаларды жүзеге асыратын байқауларға қатысуды, Ауыл шаруашылығы ардагерлер ұйымының атауын «Ауыл шаруашылығы және өңдеу өнеркәсібі ардагерлерінің ұйымы» деп өзгертуді ұсынды.

 «ЖАҢАРУ» РҚБ Баспасөз қызметі