Маңғыстаудағы кездесу

2023 жылғы 07 қарашада «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Маңғыстау облыстық филиалы «Жастардың құқықтық сауаттылығын және құқық қорғау органдарына сенім деңгейін арттыру іс-шаралар кешенін өткізу» атаулы Әлеуметтік Жобаның шеңберінде құқық қорғау органдарының өкілдерімен және «ЖАҢАРУ» РҚБ белсенділерімен Маңғыстау энергетикалық колледжі ұжымының кездесуі ұйымдастырылды.

Жоғарыда аталған Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциалық емес акционерлік қоғамның қолдауымен жүзеге асыруда.

Кездесуге Маңғыстау энергетикалық колледжінің жас қызметкерлері мен студенттері қатысты. 

Іс-шара барысында:

- «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Маңғыстау облыстық филиалының Директоры Дайрабай Үсіпбаев;

- «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Маңғыстау облыстық филиалының «Жас Қыран» жастар ұйымының жетекшісі Марат Абзал;

- «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Маңғыстау облыстық филиалының мүшесі Арайлым Шамшадинова;

- Ақтау қаласы Ювенальдық полиция бөлімшесі бастығының міндетін атқарушы, полиция майоры Нұрлан Рахаев сөз сөйлеп, баяндама жасады. 

Кездесу кезінде Маңғыстау энергетикалық колледжінің жас қызметкерлері мен студенттеріде сөз сөйлеп,  жастардың құқықтық сауаттылығын және олардың құқық қорғау органдарына деген сенім деңгейін арттыру мәселелері бойынша өз пікірлерін білдірді. 

Іс-шараның аяғында Ақтау қаласы Ювенальдық полиция бөлімшесі бастығының міндетін атқарушы, полиция майоры Нұрлан Рахаев Маңғыстау энергетикалық колледжінің жас қызметкерлері мен студенттерінің сұрақтарына жауап берді.

Кездесу соңында қатысушылар арасында сауалнамалар жүргізіліп, ақпараттық парақшалар таратылды. 

«ЖАҢАРУ» РҚБ Баспасөз қызметі