«Қоғамда сыбайлас жемқорлыққа қарсы мәдениетті қалыптастыру»

2023 жылғы 25 қазанда «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Атырау облыстық филиалының ұйымдастыруымен Атырау қаласының жоғары Медициналық колледжінде «Жастардың құқықтық сауаттылығын және құқық қорғау органдарына сенім деңгейін арттыру бойынша іс-шаралар кешенін өткізу» атаулы Әлеуметтік Жобаның аясында студенттермен кездесу өтті.

Бұл кездесуге «Қоғамда сыбайлас жемқорлыққа қарсы мәдениетті қалыптастыру» атаулы тақырып таңдалып алынды.

Аталмыш Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциалық емес акционерлік қоғамның қолдауымен жүзеге асыруда.

Осы іс-шараға:

-  «ЖАҢАРУ» РҚБ Атырау облыстық филиалы Директорының орынбасары Карим  Аманжан Қизатбайұлы;

- Атырау жоғары Медициналық колледжі Директорының оқу жұмысы жөніндегі орынбасары Бахитова Рауза Амандыққызы;

- Атырау қаласы Полиция басқармасы жергілікті полиция инспекторы, полиция капитаны Құспанов Ануар Рүстемұлы;

- Атырау қаласы Полиция басқармасының ювенальды полиция қызметі бөлімінің кәмелетке толмағандар істері жөніндегі участкелік полиция инспекторы, полиция аға лейтенанты Қуанышова Мөлдір Қуанышқызы;

- «ЖАҢАРУ» РҚБ Атырау облыстық филиалының мүшесі Шахманова Самал Жетісқызы қатысты.

Олар жастарды қоғам дертіне айналған жемқорлықтан сақтануға шақырып, сыбайлас жемқорлыққа қарсы мәдениетті қалыптастырудың, жастардың құқықтық сауаттылығын арттырудың, парасаттылық, адалдық, жауаптылық және патриотизм қағидаттарын сіңірудің маңыздылығын атап өтті.

Кездесу барысында Кұспанов Ануар Рүстемұлы  әрбір оқу орны үшін академиялық адалдық пен парасаттылықты сақтау және сыбайлас жемқорлық фактілерінің алдын алу, жастардың құқықтық сауаттылығын арттыру жұмыстарының жүзеге асырылу барысы туралы баяндады.

Бұл кездесуге студенттер үлкен қызығушылық танытты, олар «Қоғамда сыбайлас жемқорлыққа қарсы мәдениетті қалыптастыру» тақырыбы бойынша пікр таласқа қатысып отырды, сонымен қатар олар сыбайлас жемқорлыққа қарсы іс-әрекеттерге және қолданыстағы сыбайлас жемқорлыққа қарсы заңнаманы пайдалануға қатысты өз сұрақтарына мамандардан жауап алды.

«ЖАҢАРУ» РҚБ Баспасөз қызметі