«Жастардың құқықтық сауаттылығы – уақыт талабы»

2023 жылғы 23 қазанда «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Түркістан облыстық филиалының ұйымдастыруымен «Жастардың құқықтық сауаттылығын және құқық қорғау органдарына сенім деңгейін арттыру бойынша іс-шаралар кешенін өткізу» атаулы Әлеуметтік Жобаның шеңберінде Жетісай ауданындағы Ғани Мұратбаев атындағы гуманитарлық-техникалық колледжінің қызметкерлерімен, жас мамандарымен, студентерімен кездесу өтті.

Бұл кездесу Түркістан облыстық полиция Департаментімен бірлесіп ұйымдастырылды.

Жоғарыда көрсетілген Әлеуметтік Жобаны «ЖАҢАРУ» РҚБ Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығы» Коммерциалық емес акционерлік қоғамның қолдауымен жүзеге асыруда.

Аталған іс-шараның мақсаты:

- құқыққа қайшы әрекеттер мен әрекетсіздіктерден жастардың хабардар болуы;

- жастардың құқықтық қорғалу және құқықтық сауаттылық деңгейін арттыру;

- жастар ортасында құқық қорғау органдарының оң имиджін нығайту;

- жастарды сыбайлас жемқорлыққа қарсы тәрбиелеу мәселелерінде жұмыстың жаңа нысандарын қарастыру.

Кездесу барысында:

- колледж директоры Аташов Сержан Кұлдыракқұлы;

- «ЖАҢАРУ» РҚБ жанынан құрылған «Жас Қыран» жастар ұйымының Жетісай аудандық филиалының жетекшісі Әмір Әбдісалам Алдиярұлы;

- Жетісай  аудандық полиция бөлімінің аға инспекторы Насирбаев Нұрдәулет сөз сөйлеп өз ой пікірлерімен бөлісті.

Кездесуде:

- сыбайлас жемқорлыққа қарсы күрес, жастардың құқық қорғау органдарына сенім деңгейін арттыру қажеттілігі талқыланды;

- Отан алдындағы парызды өтеу туралы сұрақтар көтерілді;

- студенттердің құқықтық сауаттылығын қалыптастыру маңыздылығы туралы мәселелер сөз болды;

- жастармен жұмыс істеу форматын өзгерту мақсатында күнделікті полиция қызметінде заманауи технологияларды қолдану туралы  ақпарат хабарланды;

- мұғалімдер мен студенттердің сұрақтарына заң аясынды жауап берілді;

- сыбайлас жемқорлыққа қарсы мәдениетті қалыптастыру мақсатында ақпараттық үнпарақтар, флаерлер және буклеттер таратылып, сауалнамалар жүргізілді.

«ЖАҢАРУ» РҚБ Баспасөз қызметі