Белсенді жастар полицейлерде қонақта болды

2023 жылғы 20 қазан күні «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Астана қалалық филиалы «ЖАС ҚЫРАН» жастар қанаты мүшелері Астана қаласы полиция департаментінің «Жедел басқару орталығы»- штабында болып атқаратын жұмыстарымен танысты.

Аталмыш іс-шара жастардың құқық қорғау органдарына сенімін деңгейін арттыру, оларды құқық қорғау органдарының жұмысымен кеңірек таныстыру, полиция қызметіне деген қызығушылығын тудыру мақсатында «Жастардың құқықтық сауаттылығын және құқық қорғау органдарына сенім деңгейін арттыру бойынша іс-шаралар кешенін өткізу» атаулы Әлеуметтік Жобаның аясында ұйымдастырылды. 
Бұл Әлеуметтік Жобаны «ЖАҢАРУ» Сыбайлас жемқорлыққа қарсы жалпыұлттық қозғалыс» Республикалық қоғамдық бірлестігі Қазақстан Республикасы Мәдениет және ақпарат министрлігінің жанындағы «Азаматтық бастамаларды қолдау орталығының қолдауымен жүзеге асыруда.
Шараның басты мақсаты жастардың құқыққа қайшы әрекеттер мен әрекетсіздіктерден хабардар болу, құқықтық қорғалу және құқықтық сауаттылық деңгейін арттыру.
Жастар ортасында құқық қорғау органдарының оң имиджін іске асырылуының барысы туралы хабардар ету, кеңес, нақты көмек беру.
Шара барысында жастар Астана қаласы полиция департаментінің «Жедел басқару орталығы»- штабында базасында қоғамдық қауіпсіздікті қамтамасыз етуге жұмылдырылған патрульдік полиция жасақтарының нұсқамасына қатысып, олар үшін полицейлердің арнайы қорғаныс құралдарымен жабдықталуы және заманауи үлгіде арнайы техникалық жабдықталған көрмесі ұйымдастырылып, қылмысты тез арада іздестіру, алдын алудың тәсілдері жастар тарапынан аса қызығушылық тудырды.

"ЖАҢАРУ" баспасөз қызметі