18.10.2023
«Жастардың құқықтық сауаттылығын арттыру»
17 қазан 2023 жыл Мәдениет және ақпараттандыру министрлігі «Азаматтық бастамаларды қолдау орталығының» қолдауымен «ЖАҢАРУ» Сыбайлас жемқорлыққа қарсы жалпыұлттық қозғалысы» Республикалық қоғамдық бірлестігі Шымкент қалалық филиалының ұйымдастыруымен, Полиция департаментімен бірлесіп «Жастардың құқықтық сауаттылығын және құқық қорғау органдарына сенім деңгейін арттыру бойынша іс-шаралар кешенін өткізу» атаулы әлеуметтік жобаның шеңберінде “Саз колледжінің” концерт залында колледж ұжымы және жастарымен кездесу өтті.
Аталған іс-шараның мақсаты - құқыққа қайшы әрекеттер мен әрекетсіздіктерден жастардың хабардар болуы, құқықтық қорғалу және құқықтық сауаттылық деңгейін арттыру. Жастар ортасында құқық қорғау органдарының оң имиджін нығайту. Жастарды сыбайлас жемқорлыққа қарсы тәрбиелеу мәселелерінде жұмыстың жаңа нысандарын қарастыру.
Кездесу барысында ЖАҢАРУ РҚБ “Жас қыран” жастардың сыбайлас жемқорлыққа қарсы ұйымы” ШҚФ-ы жетекшісі Аршабай Асылтаң Арысбекұлы, Шымкент қалалық ПД Тұран ауданы полиция басқармасының ювеналды учаскелік полиция инспекторы, полиция майоры Саятов Минур Саятович сөз сөйлеп өз ой пікірлерімен бөлісті.
Яғни, бүгінгі күннің талабы - сыбайлас жемқорлыққа қарсы күрес, жастардың құқық қорғау органдарына сенім деңгейін арттыру қажеттілігі талқыланды. Отан алдындағы парызды өтеу – әрбір азаматтың міндеті, студенттердің құқықтық сауаттылығын қалыптастыру маңыздылығы туралы, оның ішінде жастармен жұмыс істеу форматын өзгерту мақсатында күнделікті полиция қызметінде заманауи технологияларды кеңінен қолдану туралы ақпаратты хабарлама етті.
Мұғалімдер мен студенттердің сұрақтарына Заң аясынды жауап беріліп қатысушыларға флаер буклеттер таратылды.
"ЖАҢАРУ" баспасөз қызметі