19.11.2026
Қарасай ауданында мемлекеттік орган өкілдерімен кездесу
2026 жылғы 19 қарашада Алматы облысының Қарасай ауданында «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ Алматы облысы бойынша филиалының ұйымдастыруымен «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында мемлекеттік орган өкілдерімен кездесу іс-шарасы өткізілді.
Кездесу барысында «ЖАҢАРУ» РҚБ Алматы облысы бойынша филиалының директоры Сыдықов Ардақ Мауытханұлы Қарасай ауданы әкімінің орынбасары Жандосов Азамат Серікұлы, Ұйымдастыру бөлімінің бас маманы Елубаева Гүлназ Мухамажанқызы, Ішкі саясат бөлімінің маманы Оршыбаева Бұрым, Экономикалық бөлім маманы Турганбаева Айдана Бейсенқызымен кездесті.
Тараптар жастардың құқықтық тәрбиесін жетілдіру, жастар арасында құқықтық мәдениетті және сыбайлас жемқорлыққа қарсы дүниетанымды қалыптастыру мәселелерін талқылады.
Кездесуде жастарды заңға құрметпен қарауға тәрбиелеу, адалдық, парасаттылық және жауапкершілік құндылықтарын дәріптеу, құқық бұзушылықтың алдын алу бойынша бірлескен жұмысты күшейту жөнінде нақты ұсынымдар айтылды.
Мемлекеттік орган өкілдері жобаның маңыздылығын атап өтіп, жастардың құқықтық сауаттылығын арттыруға бағытталған бастамаларды қолдауға дайын екендіктерін білдірді.
Кездесу қорытындысы бойынша тараптар алдағы уақытта жоба аясында бірлескен іс-шаралар өткізу туралы келісті.
«ЖАҢАРУ» РҚБ Баспасөз қызметі



