19.11.2026
Көкшетауда арнайы есепте тұрған жасөспірімдермен жұмыс істейтін мамандарға арналған оқыту курсы өтті
2026 жылғы 19 қарашада Көкшетау қаласында «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ Ақмола облыстық филиалының ұйымдастыруымен «Жастарды құқықтық тәрбиелеу – сыбайлас жемқорлыққа қарсы дүниетанымның негізі» әлеуметтік жобасы аясында Қазақстан Республикасы Мәдениет және ақпарат министрлігінің «Азаматтық бастамаларды қолдау орталығы» КЕАҚ қолдауымен «Арнайы есепте тұрған жастармен және жасөспірімдермен жұмыс істейтін мамандарды даярлау және біліктілігін арттыру» тақырыбында оқыту курсын өткізді.
Мақсаты – жастармен жұмыс істейтін мамандардың кәсіби біліктілігін арттыру, арнайы есепте тұрған жасөспірімдермен жүйелі және тиімді жұмысты ұйымдастыру, олардың бойында заңға құрмет, адалдық, жауапкершілік және сыбайлас жемқорлыққа қарсы тұрақты көзқарас қалыптастыру.
Іс-шара Мәлік Ғабдуллин атындағы №3 көпбейінді мектеп-гимназиясының базасында өтті. Оған Көкшетау қаласы мен Ақмола облысының колледждері мен мектептерінің педагог-психологтері, әлеуметтік педагогтері, тәрбие жұмысы жөніндегі оқу ісі меңгерушілерінің орынбасарлары қатысты.
Іс-шараны «ЖАҢАРУ» РҚБ Ақмола облыстық филиалының директоры Плюснин Игорь Геннадьевич ұйымдастырды.
Курстың дәріскері ретінде Ақмола облысы Білім басқармасының Психологиялық қолдау орталығы басшысының орынбасары Ермуханова Инара Ибраимқызы сөз сөйледі.
Оқу барысында қатысушылар арнайы есепте тұрған жасөспірімдермен жұмыс істеудің психологиялық және педагогикалық ерекшеліктері, олардың құқықтық тәрбиесі, сыбайлас жемқорлыққа қарсы дүниетанымды қалыптастыру, құқық бұзушылықтың алдын алу және жастарды оң әлеуметтік ортаға бейімдеу тәсілдерін талқылады.
Спикерлер тәжірибеде қолдануға болатын нақты кейстер мен тиімді әдістемелерді ұсынып, мамандардың сұрақтарына жауап берді. Қатысушылар өзара тәжірибе алмасып, күрделі жағдайларда жұмыс істеу жолдарын бірлесіп қарастырды. Шара соңында мамандарға оқыту курсының сертификаты беріліп, қызметтеріне сәттіліктер тіледі.
Мұндай оқыту шаралары мамандардың құзыреттілігін арттырып қана қоймай, жастар арасында құқық бұзушылықтың алдын алуға және салауатты, қауіпсіз орта қалыптастыруға ықпал етеді.
ЖАҢАРУ РҚБ Баспасөз қызметі







