Ағымдағы жылы 9 қазанда «ЖАҢАРУ» сыбайлас жемқорлыққа қарсы жалпыұлттық қозғалыс» РҚБ Қарағанды облыстық филиалының ұйымдастыруымен «Жастардың құқықтық тәрбиелеу – сыбайлас жемқорлыққа қарсы дүниетанымның негізі» атты жоба аясында «Кәмелетке толмағандарды бейімдеу орталығы» қызметкерлері үшін семинар курсы іс-шарасы өтті.
   Іс-шараның мақсаты: Кәмелетке толмамағандарды бейімдеу орталығы қызметкерлерінің жастарды құқықтық және сыбайлас жемқорлыққа қарсы тәрбиелеу, арнайы есепте тұрған жасөспірімдерді психологиялық сүйемелдеу саласындағы кәсіби құзыреттерін арттыру, аталған санаттағы жастармен жұмыс жүргізу, сондай-ақ болашақта ведомствоаралық ынтымақтастықты дамыту.
   Міндеттері: қиын өмірлік жағдайда жүрген жасөспірімдермен жұмыс істеу әдістерін жетілдіру; мамандардың құқықтық сауаттылығын арттыру; жастардың бойында адалдық, жауапкершілік және сыбайлас жемқорлықты қабылдамау құндылықтарын қалыптастыру; жасөспірімдерге психологиялық қолдау көрсетудің практикалық әдістерін меңгеру; «ЖАҢАРУ» РҚБ мен Кәмелетке толмамағандарды бейімдеу орталығы арасындағы ынтымақтастықты нығайту; кәсіби тәжірибе алмасу және бірлескен ұсынымдар әзірлеу.
   Курс ұйымдастырушы, модератор Ибрагимова Самал Серікқызы шараны ашып, қатысушыларды мақсат-міндеттермен, бағдарламамен таныстырды. Кәмелетке толмағандарды бейімдеу орталығының директоры Жүнісов Амангелді Саматұлы «Кәмелетке толмағандарды әлеуметтік бейімдеу жүйесіндегі ведомствоаралық өзара іс-қимылды дамытудағы басшының рөлі» тақырыбына кіріспе шолу жасады. Шара барысында ұйымаралық ынтымақтастық туралы меморандумға салтанатты түрде қол қойылды.
   Даирбекова Гүлдана Сүйіндікқызы, ҚарИУ омбудсмені, PhD докторы «Құқықтық ағарту және кәмелетке толмағандардың құқықтарын қорғау: жастардың құқықтық мәдениетін қалыптастырудағы омбудсменнің рөлі» атты тақырыптық сессия, Ярута Анжелика Васильевна, Қарағанды университетінің психологиялық қолдау қызметінің басшысы «Қауіп тобындағы жасөспірімдердің психологиялық ерекшеліктері: сенімді байланыс орнату және психологиялық қолдау көрсету» атты тренинг сессиясын, Ибрагимова Самал Серікқызы, «ЖАҢАРУ» РҚБ Қарағанды облыстық филиалы директорының орынбасары «Жастардың сыбайлас жемқорлыққа қарсы дүниетанымы: адалдық, жауапкершілік және заңға бағынатын мінез-құлық құндылықтары», Кәмелетке толмағандарды бейімдеу орталығының педагог-психологы Кармилицына Елена Александровна «Жасөспірім назарда: қауіпті анықтаудан ресурс құруға дейін» тақырыптық сессиясын өткізді.
   Спикерлер мен қатысушылар арасында «Кәмелетке толмағандармен профилактикалық жұмыстағы тиімді ведомствоаралық өзара іс-қимыл» атты ашық пікірталас болды.
   Курс соңында қатысушыларға сертификат табысталды.