2026 жылғы 6 қазанда Қарағанды индустриялық университетінде студенттік өзін-өзі басқару көшбасшыларының қатысуымен маңызды семинар өтті. Іс-шараны «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында «Заң мен Тәртіп» тақырыбында «ЖАҢАРУ» РҚБ-гі Қарағанды облыстық филиалының ұйымдастыруымен «Әділет» партиясының қалалық филиалы өкілдерінің қатысуымен өтті.
   Семинардың негізгі тақырыбы – лудоманияның алдын алу, құқықтық сауаптылық, жеке жауапкершілік және қаржылық қауіпсіздік мәселелері болды.
   Мақсаты – жастар арасында заңға бағынатын сананы қалыптастыру, сыбайлас жемқорлық пен құмар ойындар сияқты жат қылықтарға қарсы иммунитетті күшейту және «Заң мен Тәртіп», «Адал азамат» құндылықтарын дәріптеу.
   Семинар барысында «Заң мен Тәртіп» жобасының жоғары санатты педагог-психологы Татьяна Степанова ойынқұмарлыққа тәуелділіктің пайда болу себептері, оның алғашқы белгілері және ауыр зардаптары туралы жан-жақты баяндап, жастармен ҚР Конституциясы, азаматтардың құқықтары мен міндеттері жөнінде ашық диалог өткізді. Іс-шараның практикалық бөлімін жоба жетекшісі Валентина Павлик жүргізді. Тақырыптық квест форматында студенттер түрлі өмірлік жағдайларды талдап, күмәнді әрі қауіпті ұсыныстарды ажырата білуге және жауапты шешім қабылдауға машықтанды. Сонымен қатар, «ЖАҢАРУ» РҚБ өкілдері студенттер арасында QR код форматында жоба аясында дайындалған арнайы сауалнама жүргізіп және де жастардың құмар ойындарға деген көзқарасы мен тәуекелдер туралы хабардарлық деңгейін анықтады.
   Шара соңында барлық қатысушыларға лудоманияның алдын алу және қаржылық қауіпсіздікті сақтау жөніндегі ұсынымдар қамтылған ақпараттық насихат парақшалары буклеттер таратылды.
   Аталған семинар жастардың лудоманияға қарсы саналы көзқарасын қалыптастырып, «Заң мен Тәртіп» қағидаты аясында жеке жауапкершілік пен қаржылық қауіпсіздіктің маңыздылығын ұғындырды.