25 қыркүйек күні «Жастарды құқықтық тәрбиелеу – сыбайлас жемқорлыққа қарсы дүниетанымның негізі» атты жобасы аясында М.Өтебаев атындағы жоғары жаңа технологиялар колледжі студенттерімен маңызды кездесу өткізіліп, дәріс оқылды.
    Дәрістің спикері «ЖАҢАРУ» сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің Шымкент қалалық филиалы директоры Досалиев Қанатбек Балтабайұлы болды.
    Кездесу барысында спикер жастарға әділдік пен адалдық қағидаттарын дәріптеу бағытында мазмұнды әңгіме өрбітіп, жемқорлықтың қоғам мен мемлекет дамуына тигізетін кері әсеріне тоқтала келе, жас ұрпақтың парасаттылық пен әділдікке негізделген өмірлік ұстаным қалыптастыруының маңыздылығын және жастардың құқықтық сауаттылығын арттыру – сыбайлас жемқорлықтың алдын алудың ең тиімді жолы екенін атап өтіп, студенттерге ҚР-ның сыбайлас жемқорлыққа қарсы заңнамасының негізгі бағыттары мен азаматтардың құқықтары мен міндеттерін түсіндірді.
   Суденттер өздерін толғандырған сұрақтарын қойып, нақты өмірлік мысалдар бойынша пікір алмасты, таратылған сауалнама сұрақтарына жауап берді. Қанатбек Балтабайұлы жастарды өз құқықтарын білуге, кез келген заңсыздыққа бей-жай қарамауға және адал азамат болуға шақырды.
   Колледж әкімшілігі мұндай тағылымды кездесулер жас ұрпақтың бойында сыбайлас жемқорлыққа қарсы иммунитетті қалыптастырып, әділетті және парасатты қоғам құруға негіз болатынын атап өтті.
   Өткізілген дәріс студенттер үшін үлкен тағылым болды. Жастар адалдық пен әділдік қағидаттары – жарқын болашақтың кепілі екенін терең түсінді. Осындай мазмұнды шаралар алдағы уақытта да өз жалғасын табатын болады.