«ЖАҢАРУ»Cыбайлас жемқорлыққа қарсы жалпыұлттық қозғалыс» РҚБ-ің ұйымдастыруымен ҚР Мәдениет және ақпарат министрлігі «Азаматтық бастамаларды қолдау орталығының» қолдауымен «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасының аясында 2026 жылдың 17 маусымында Қазақстан Республикасы Ішкі істер министрлігі Ұлттық ұланының 6636 Әскери бөлімі құрамы мен «ЖАҢАРУ» бірлестігінің белсенділері кезекті кешенді кездесуін өткізді.
   Сұхбаттасу алаңында Қазақстан Республикасы Президенті Қасым-Жомарт Тоқаевтың халыққа жолдауында айтқан: «Біздің қоғамымызда заң мен тәртіп үстемдік құруға тиіс. Бұл – бүкіл қоғамның және әр адамның қауіпсіздігін қамтамасыз етуге қатысты ең басты талап. Біз сонда ғана Әділетті, Таза және Қауіпсіз Қазақстанды құра аламыз» тақырыбында өрбіді.
   Іс-шараның мақсаты - құқық бұзушылықтардың алдын алуға, жастар арасында құқықтық мәдениетті қалыптастыру, жастардың сыбайлас жемқорлыққа қарсы санасын қалыптастыруға бағытталған жастар бастамаларын дамыту және тыңдаушыларды сыбайлас жемқорлыққа қарсы мәдениеттің қолданыстағы құқықтық көздері туралы хабардар ету.
   Іс-шарада «ЖАҢАРУ» РҚБ-гі төрағасы Семғалиев Мэлс Зайноллаұлы алғы сөз алып «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы шеңберінде өткізіліп жатқанын айтты. Ол сыбайлас жемқорлық мемлекет үшін елеулі қауіп екенін атап өтті. Бұл оның қабілеттілігін төмендетеді, экономикалық дамуды тежейді және заң үстемдігі принципін бұзады. Ең бастысы – сыбайлас жемқорлық азаматтардың билікке деген сеніміне нұқсан келтіреді. Осы аталған себептерге байланысты онымен күресу жүйелі болуы керек. Бүгінгі кездесу біздің тыңдаушыларымызда сыбайлас жемқорлыққа қарсы мәдениетті қалыптастыруға, құқықтық сауаттылығын арттыруға және сыбайлас жемқорлыққа қарсы жалпыға ортақ ұстанымды нығайтуға ықпал етеді деп сенеміз, - деді өз сөзінде.
   Сөз кезегінде «ЖАҢАРУ» РҚБ-нің құрметті төрағасы, ҚР мемлекет және қоғам қайраткері О.Ә. Әбдікәрімов, «ЖАҢАРУ» РҚБ-гі төрағасының орынбасары, ҚР мемлекет және қоғам қайраткері, профессор Б.Б. Мамраев, «ЖАҢАРУ» РҚБ-гі Кеңес мүшесі, техника ғылымдарының кандидаты, ҚР мемлекет және қоғам қайраткері Д. К. Мыңбай және ҚР Ішкі істер министрлігі Ұлттық ұланының 3656 Әскери бөлімінің командирі, полковник Мырзалин Ерлан Мұратұлы қатысушылар алдында өз ойларымен бөлісіп кеңестерімен алмасты.
   Кездесуге қатысушылар ҚР Ұлттық ұланының 6636 Әскери бөлімінің жанынан ашылған мұражай жұмысымен танысты. Іс-шара барысында қатысушыларға насихат парақшалары таратылып кейін тыңдаушылар сауалнамаларға қатысып, әскери бөлімінің жауынгерлері ой-пікір, ұсыныстарын ортаға салып, сұрақ-жауаптармен алмасып тұшымды жауаптар берілді. Осындай іс-шараларды өткізу маңыздылығы аталып, осы кездесу үшін алғыс сөздер айтылып, алғыс хаттар табысталды. Іс шара өте тартымды, сапалы әрі қызықты өтті.