Ағымдағы жылдың 11 маусым күні Алматы қаласы бойынша «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ өкілдерінің «Халықаралық қазақ-қытай тіл колледжі студенттерімен жоба аясында кездесуі өтті.
   Кездесуді Алматы қаласы бойынша «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ филиалының директоры, модератор, КАЗРЕНА", Қазақстанның Ғылыми- білім беру компьютерлік желісін пайдаланушылар қауымдастығы" нысанындығы Бас директоры, Борис Әликенұлы Джапаров ашты. Қатысушы спикерлерді таныстырып, колледж студенттеріне кездесудің «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында ұйымдастырылғанын айтты. Сондай-ақ, қазіргі таңда бұл жобаның маңыздылығына тоқталып, құқықтық сауаттылық, жастар арасында сыбайлас жемқорлыққа қарсы сананы қалыптастырудың қажеттілігін, сыбайлас жемқорлыққа қарсы белсенді азаматтық ұстанымның қажеттілігін атап өтті.
   Келесі сөз кезегін спикер, Әл-Фараби атындағы университеттің профессоры Кәкімжан Мұратжанұлы Бишманов алды. Ол сыбайлас жемқорлықтың мәні туралы, сыбайлас жемқорлықтың күнделікті өмірде, қызмет ету салаларында, экономикада, соның ішінде бюджеттік және мемлекеттік салаларда қалай және қандай жолдармен көрініс табатыны туралы айтып берді.
   Кездесу барысында спикер, Қазақстан Республикасы Ішкі істер министрлігі Ардагерлер президиумының мүшесі, отставкадағы полиция полковнигі Айгүл Шөпшекбайқызы Шөпшекбаева жастар арасында құқықтық сауаттылық, сыбайлас жемқорлыққа қарсы сананы қалыптастырудың қажеттілігі туралы айтты. Бүгінгі таңда колледж студенттерінің басты міндеттері: сапалы білім алу, кәсіби өсу, патриотизмді нығайту екенін түсіндірді.
   Жиын соңында видеоролик көрсетіліп, спикерлер мен студенттер арасында өткізілген сұрақ-жауап әдісі және тест қатысушылардың құқықтық сауаттылығын арттыруға септігін тигізді.