Алматы облысындағы Номад мектеп-лицейінде «Жастарды құқықтық тәрбиелеу - сыбайлас жемқорлыққа қарсы дүниетанымның негізі» жобасы аясында «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ-нің ұйымдастыруымен оқушылармен кездесу өтті.
   Кездесудің мақсаты – жас ұрпақ арасында сыбайлас жемқорлыққа қарсы мәдениетті қалыптастыру, адалдық пен әділдікті насихаттау, заңды құрметтеуге тәрбиелеу және құқықтық тәртіпті сақтаудың маңызын ұғындыру.
   Жүргізуші-модератор кездесудің мақсатына тоқталып, алғашқы сөзді Алматы облысы бойынша «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ филиалының директоры Сыдықов Ардақ Мауытханұлына берді. Спикер «ЖАҢАРУ» РҚБ-ның жұмысына, жетістіктеріне тоқталып, жастарды сыбайлас жемқорлыққа қарсы тұруға және онымен күресуге шақырды.  
   Құқық қорғау органдарының қызметкерлері өз тарапынан жастар арасында қылмыстың алдын-алу мақсатында профилактикалық жұмыстар жүргізіліп отыратынын айтты және заңды білуге шақырды. Себебі қазіргі таңда қылмыстың 70% жасөспірімдер арасында жасалатынына баса назар аударды.
   Мазмұнды әрі қызықты кездесу барысында қатысушы жастар өз ойларымен бөлісті, өзекті мәселені талқылауға белсенді қатысты. Сонымен қатар мектеп оқушылары ән айтып, би билеп өз өнерлерімен тәнті етті.