«Жастарды құқықтық тәрбиелеу – сыбайлас жемқорлыққа қарсы дүниетанымның негізі» аясында «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ Қостанай облыстық филиалының ұйымдастыруымен Қостанай қаласындағы № 4 мектепте ата-аналар жиналысы ерекше өтті. Қоғамдық ұйым өкілдері мен жасөспірімдер полициясы балаларға қатысты қауіп-қатерлер туралы айтып берді.
   Шарада полиция қызметкерлері мен «ЖАҢАРУ» қоғамдық қозғалысының өкілдері сөз сөйлеп, балаларды қатыстыратын қылмыстық схемалармен күрес тәжірибесімен бөлісті. Сондай-ақ, каникул кезінде балалар қауіпсіздігі мәселелері көтерілді.
   Қоғамдық қауіпсіздік бөлімінің ювеналды полиция тобының аға инспекторы полиция майоры Роза Кендірбаева, ата-аналар кешкі және түнгі уақытта балалардың қайда екенін бақылай бермейтіндіктен болатын оқиғаларға тоқталды.
   Сондай-ақ, 1 шілдеден бастап жасөспірімдер мен балаларға электр скутерлерімен жүруге тыйым салынатынын еске салды. Тәртіп бұзған жағдайда жауапкершілік ата-аналарға жүктелетінін атап өтті. Сөз соңында 1 маусымда басталатын суға түсу маусымы туралы да еске салды.  Шомылуға тек арнайы жабдықталған орындарда ғана рұқсат етілетінін ескертті.
    Қостанай облысы бойынша «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ филиалының директоры Асқар Жабаев: - Бүгінде әрбір баланың телефоны бар. Бірақ бақылаусыз бұл әсіресе қазір, жазғы демалыс кезінде проблемаға айналуы мүмкін. Психологиялық жағынан дайындалған, балалармен дұрыс сөйлесе алатын, олардың сеніміне кіре алатын адамдар бар. Бүгінде жастарды, мысалы, есірткі қылмыстарына белсенді тартып жатыр. Жасөспірімдерге бұл «жеңіл табыс» ретінде беріледі: бірдеңе алу, бір жерге апару, суретке түсіру, жіберу - және ештеңе емес сияқты. Бірақ бала жасына және тәжірибесіздігіне байланысты бұл елеулі қылмыс екенін түсінбейді. Ол интернеттегі «достарына» сеніп, олардың қулық құрығына түседі, - деді. Әрі бүгінгі күні интернет-тәуелділік пен ойын тәуелділігі кәмелетке толмағандар арасында жиі кездесетін өзекті мәселе екендігін атап өтті.
    Екі жеткіншек ұлы бар Лейла Дүйсенбекова сөз алып, олар қазір қоғамның, ұжымның, достарының пікірін көбірек тыңдайды. Кейде сыныптастарының пікірлері олар үшін ата-аналарының сөздерінен маңыздырақ болып көрінетініне тоқталып. Сондықтан баламен ортақ тіл табу өте маңызды екенін айтты.
    Ата-аналар бұндай жиналыстың маңыздылығын, өзектілігін атап өтті.