12.05.2026

Адалдық па, әлде ыңғайлылық па?

   Бүгін Қарағанды индустриялық университетінде «Таза сессия» акциясы және «ЖАҢАРУ» сыбайлас жемқорлыққа қарсы жалпыұлттық қозғалыс» Республикалық қоғамдық бірлестігінің «Жастарды құқықтық тәрбиелеу – сыбайлас жемқорлыққа қарсы дүниетанымның негізі» атты жобасы бойынша өткізілетін іс-шаралар жоспары аясында «Адалдық па, әлде ыңғайлылық па?» тақырыбында шағын пікірталас өтті.
   Іс-шараға университеттің комплаенс-офицері Самал Ибрагимова қатысып, студенттермен академиялық адалдық, құқықтық сауаттылық, сыбайлас жемқорлыққа нөлдік төзімділік мәдениетін қалыптастыру, сондай-ақ білім беру үдерісіндегі жеке жауапкершіліктің маңыздылығы туралы пікірімен алмасты.
   Пікірталас барысында студент жастар өз ойларын белсенді түрде ортаға салып, өмірлік жағдайлармен бөлісті және таңдау жасау қиын болған сәттердің өзінде адамгершілік ұстанымдарын сақтаудың маңыздылығы туралы ой қозғады. «Адалдық өзімізден басталады» - деп ой түйіндеді.
   Осындай кездесулер студенттердің бойында адалдық, әділдік және академиялық парасаттылық құндылықтарын қалыптастыруға, сондай-ақ университеттік ортада ашық диалог мәдениетін нығайтуға ықпал етеді.

«ЖАҢАРУ» РҚБ Баспасөз қызметі