30 сәуірде Қарағанды индустриялық университетінде «ЖАҢАРУ» сыбайлас жемқорлыққа қарсы жалпыұлттық қозғалысы» РҚБ Қарағанды облыстық филиалының ұйымдастыруымен «Жастардың құқықтық тәрбиелеу – сыбайлас жемқорлыққа қарсы дүниетанымның негізі» атты жоба аясында семинар курсы өтті.
   Оқыту курсының мақсаты – арнайы есепте тұрған жастармен және жасөспірімдермен жұмыс жүргізетін мамандардың біліктілігін арттыру, дайындау және олардың құқықтық мәдениетін қалыптастыру.
   Шараға облыстық жастармен жұмыс жөніндегі ресурстық орталық өкілдері, ювеналды полиция қызметкерлері, психологтар және топ кураторлары қатысты.
   Оқыту семинарында басты спикерлер «ЖАҢАРУ» қоғамдық бірлестігінің Қарағанды облыстық филиал   директорының орынбасары университет комплаенс - офицері Ибрагимова Самал Серікқызы, ҚарИУ психологы Ярута А.В. және омбудсмен Даирбекова Г.С., өз кезегінді қазіргі кездегі балалар тәрбиесіне қатысты құнды тәсілдерімен, тәжірибелерімен және практикалық ұсынымдарымен бөлісті.
   Семинар барысында қатысушыларға жемқорлықтың алдын алу жолдары, жастардың құқықтық тәрбиесі мен жауапкершілігін арттыру тетіктері, сондай-ақ девиантты мінез-құлықтағы жасөспірімдермен тиімді жұмыс жүргізудің әдістері түсіндірілді. Осындай құнды тәжірибе мен ұсынымдар маңызды рөл атқарады.
   Іс-шара соңында қатысушыларға біліктілік сертификаттары табысталды.