Ағымдағы жылдың 14 сәуірінде М. Қозыбаев атындағы Солтүстік Қазақстан университетінде «ЖАҢАРУ» РҚБ -ің Солтүстік Қазақстандағы филиалы ұйымдастырған студенттерге арналған семинар-дәріс өтті. Іс-шара «Жастарды құқықтық тәрбиелеу - сыбайлас жемқорлыққа қарсы дүниетанымның негізі» атты жоба аясында жастар арасында құқықтық сауаттылықты арттыруға және сыбайлас жемқорлыққа қарсы мәдениетті қалыптастыру тақырыбына арналды.
   Баяндамашылар СҚО бойынша сыбайлас жемқорлық мәселелері жөніндегі кеңесші Зайцева Светлана Николаевна және М. Қозыбаев атындағы СҚУ-нің бас комплаенс-офицері Джемалединова Инна Михайловна басты спикерлер болды. Олар құқықтық мәдениет негіздері, азаматтардың құқықтары мен міндеттері, сондай-ақ заңнаманы сақтаудың маңыздылығы туралы толық баяндады. Сыбайлас жемқорлыққа қарсы дүниетанымды қалыптастыруға, құқық бұзушылықтардың алдын алуға және әділ қоғам құруда жастардың рөліне ерекше назар аударылды.
   Студенттер талқылауға белсенді қатысып, сұрақтар қойып, өз ойларымен бөлісті, бұл кездесуді тек танымдық қана емес, сонымен қатар интерактивті етті.Шара барысында жеқорлыққа қарсы насихат парақшалары таратылды. Ұйымдастырушылар жастар арасында құқықтық сауаттылықты арттыру және азаматтық жауапкершілікті қалыптастыру үшін мұндай іс-шаралардың маңыздылығын атап өтті.