«Құқықбұзушылықтың алдын алу – жастардың ортақ міндеті» тақырыбында тағылымды кездесу

«Жастарды құқықтық тәрбиелеу – сыбайлас жемқорлыққа қарсы дүниетанымның негізі» аясында «ЗАҢ мен ТӘРТІП» қағидаты бойынша «Құқықбұзушылықтың алдын алу – жастардың ортақ міндеті» тақырыбында Қазақ Ұлттық Су шаруашылығы және ирригация университетінің студент жастарымен тағылымды кездесу өтті.

Жиынды облыстық жастар ресурстық орталығы мен университет басшылығы ұйымдастырды.

Шараға «ЖАҢАРУ» Сыбайлас жемқорлыққа қарсы жалпыұлттық қозғалыс» РҚБ филиалының директоры Қасымхан Төлендиев, ҚР Адам құқықтары жөніндегі уәкілдің Жамбыл облысы бойынша өкілі Еркін Қуанышев, облыс Полиция департаменті Қоғамдық қауіпсіздік басқармасы отбасылық-тұрмыстық зорлық-зомбылыққа қарсы күрес бөлімінің бастығы, полиция подполковнигі Диляфруз Кинжеханова, облыс Полиция департаменті Есірткі қылмысына қарсы іс-қимыл басқармасының аса маңызды істер жөніндегі аға жедел уәкілі, полиция подполковнигі Айкерім Каукешова, облыс Полиция департаменті Киберқылмысқа қарсы іс-қимыл басқармасының аға жедел уәкілі полиция майоры Мұхаммед Қошмағанбетов қатысып, өз салалары бойынша профилактикалық баяндама жасады. Кездесуге сонымен қатар, Қазақ Ұлттық Су шаруашылығы және ирригация университетінің проректоры Мақсат Мусабаев пен Тараз қаласы Әулиеата ауданы полиция басқармасының бастығы, полиция полковнигі Мергенбай Қойкенов қатысты.

Жиынды облыстық жастар ресурстық орталығының директоры Айбек Қадыралиев ашып, жүргізіп отырды. Жастарға ең алдымен Қызылордада өткен бесінші Ұлттық құрылтайдағы Мемлекет басшысы Қасым-Жомарт Тоқаевтың баяндамасынан туындайтын негізгі мәселелер түсіндірілді.

Жастарға отбасылық, тұрмыстық зорлық – зомбылықтың алдын алу, отбасылық жанжалға, ұрыс-керіске жол бермеу, ұлттық құндылықтарды дәріптеу, 2024 жылы 15 сәуірде қабылданған «Тұрмыстық зорлық – зомбылыққа қарсы күрес туралы» жаңа заң түсіндірілді. Президенттің Жарлығымен 2025 жылы 5 қарашада Қазақстан Республикасының Ішкі саясат қағидаттары мен негізгі құндылықтары бекітілгені айтылды.

Полиция департаменті Кинология орталығының мамандары арнайы үйретілген қызметтік иттердің қатысуымен қойылым көрсетіп, есірткі заттарын анықтау барысын, шабуылдаушы итің қалай жұмыс істейтіні туралы таныстырып көрсетті. Сонымен қатар, студент жастарға арнайы профилактикалық бейнероликтер көрсетілді.

Қазіргі таңда өскелең ұрпақтың санасында «Адал адам – Адал еңбек – Адал табыс» формуласы берік орнығып келеді.

«ЖАҢАРУ» РҚБ Баспасөз қызметі