«БӘРІҢ ДЕ ЖАРЫСҚА» АТТЫ КӨҢІЛДІ ЭСТАФЕТАЛЫҚ ЖАРЫС

   «Жастарды құқықтық тәрбиелеу – сыбайлас жемқорлыққа қарсы дүниетанымның негізі» жобасы аясында "ЖАҢАРУ" сыбайлас жемқорлыққа қарсы жалпыұлттық қозғалысы» республикалық қоғамдық бірлестігі Қызылорда облыстық филиалының және Қызылорда қаласының дене шынықтыру спорт және туризм бөлімімен бірлесе ұйымдастырылған спорттық шара өтті.
   «Заң мен тәртіп» аясында Қызылорда қаласының және қалаға қарасты кент, ауылдық округтердегі мектептер арасында өткізілетін Ыбырай Алтынсарин атындағы жүлде үшін «Бәрің де жарысқа» атты ұранымен оқушылар арасындағы дәстүрлі көңілді эстафеталық жарыс болды.
   Жарыстың басты мақсаты – салауатты өмір салтын дәріптеу, оқушылар арасында адамгершілік, адалдық, әділеттілік, ұжымда бірлесе жұмыс жасау құндылықтарын насихаттау, құқықтық мәдениетті арттыру және сыбайлас жемқорлыққа қарсы сананы қалыптастыру.
   Шараның ашылуында мемлекеттік әнұран ойналып, оқушыларға ұйымдастырушылар сәттілік тілеп, командалардың ойын тәртібі жеребе тарту арқылы анықталды. Жалпы бір айдың көлемінде өткізілген жарысқа 4000 жуық оқушы қатысты. Эстафета арасында оқушылар ән айтып, би билеп, өз өнерлерімен көрермендерді тәнті етті. Шара барысында жемқорлыққа қарсы насихат парақшалары таратылды.
   Жұмыс барысында "ЖАҢАРУ" сыбайлас жемқорлыққа қарсы жалпыұлттық қозғалысы» республикалық қоғамдық бірлестігі Қызылорда облыстық филиалы мен Қызылорда қаласының дене шынықтыру спорт және туризм бөлімімен меморандумға қол қойылды.
   Жеңімпаздар "ЖАҢАРУ" Сыбайлас жемқорлыққа қарсы жалпыұлттық қозғалысы» республикалық қоғамдық бірлестігі Қызылорда облыстық филиалы директоры Досманбетов Серік Құттыбайұлы бірлестік атынан алғыс хаттармен және бағалы сыйлықтармен марапатталды.
 

   «ЖАҢАРУ» РҚБ Баспсөз қызметі