30.01.2026
«Ұлттық құрылтай: алдағы мақсаттар мен міндеттер» атты дөңгелек үстел өтті
«ЖАҢАРУ» сыбайлас жемқорлыққа қарсы жалпыұлттық қозғалысы» РҚБ Атырау облыстық филиалының ұйымдастыруымен «Жастарды құқықтық тәрбиелеу - сыбайлас жемқорлыққа қарсы дүниетанымның негізі» атты жобасы аясында жастардың қатысуымен «Ұлттық құрылтай: алдағы мақсаттар мен міндеттер» атты дөңгелек үстел өтті.Мақсаты: Қызылорда қаласында өткен V Ұлттық құрылтайдың отырысында көтерілген маңызды мәселелер мен өзекті бағыттарды жастар арасынан кеңінен талқылау, жастардың азаматтық белсенділігін арттыру, құқықтық сауаттылығын дамыту және сыбайлас жемқорлыққа қарсы мәдениетті қалыптастыруға бағытталған ұсыныстар әзірлеу.
Шараға «ЖАҢАРУ» сыбайлас жемқорлыққа қарсы жалпыұлттық қозғалыс РҚБ
Атырау облысы филиалының директоры С.Н.Идрисов сөз алып, еліміздің әлеуметтік-экономикалық даму барысына тоқталып, Ұлттық құрылтайдың кезекті отырысын 2026 жылы Сыр өңірінде өткізудің маңыздылығын атап өтті.
Спикерлер:
Қосыбаев Кеңес Темірұлы - Ақсақалдар кеңесінің төрағасы
Изимов Ернар Қадырұлы -“Қоғамдық келісім” КММ басшысының орынбасары
Жармуханбетова Гүлнафис Ерсайнқызы - Медиация орталығының медиаторы
Ғабдолла Хамза - Ақпараттық түсіндіру тобының мүшесі баяндамаларын жасады.
Қатысушылар: қоғам белсенділері, зиялы қауым өкілдері және сарапшылар, жастар.
Іс шара жастардың азаматтық белсенділігін арттырып, нақты ұсыныстар әзірлеуге мүмкіндік берді.
«ЖАҢАРУ» РҚБ баспасөз қызметі
